මෙරට රාජ්ය සේවය නවීකරණය කිරීමේ තීරණාත්මක පියවරක් තබමින්, පළාත් පාලන ආයතන 130ක ගෙවීම් කටයුතු පූර්ණ ලෙස ඩිජිටල්කරණය කර අවසන් බව රාජ්ය පරිපාලන, පළාත් සභා සහ පළාත් පාලන අමාත්යාංශය නිවේදනය කරයි. “පොහොසත් රටක් ලස්සන ජීවිතයක්” යන ජාතික සංකල්පයට අනුව ක්රියාත්මක වන මෙම වැඩසටහන හරහා, මහජනතාවට සිය දෛනික ගෙවීම් කටයුතු ප්රමාදයකින් තොරව සහ ඉහළ විනිවිදභාවයකින් යුතුව ඉටු කර ගැනීමට මින් ඉදිරියට අවස්ථාව හිමි වේ. ඩිජිටල් මෙවලම් හඳුන්වාදීම මඟින් සේවා සැපයුම් ව්යුහය වඩාත් ශක්තිමත් කිරීම මෙහි මූලික අරමුණයි.පවතින ව්යුහාත්මක බාධක ඉවත් කරමින් රාජ්ය යාන්ත්රණය වඩාත් කාර්යක්ෂම මට්ටමකට ගෙන ඒම මෙම නවීකරණයේ විශේෂත්වයකි. මෙමඟින් ජනතාවට කාර්යාල වෙත පැමිණ පෝලිම්වල රැඳී සිටීමට සිදුවන කාලය ඉතිරි වන අතර, ඕනෑම තැනක සිට පහසුවෙන් ගනුදෙනු කිරීමේ හැකියාව සැලසෙයි. තොරතුරු තාක්ෂණික ක්රමවේද ඔස්සේ රාජ්ය සේවාවන් සමීප කරවීම තුළින් පාරිභෝගික විශ්වාසය දිනාගත්, නවීන සහ විධිමත් පළාත් පාලන පද්ධතියක් ගොඩනැගීමට රජය අපේක්ෂා කරයි.
පළාත් පාලන සේවා ඩිජිටල් වෙයි
