2026 වසරේ මුල් මාස පහ තුළ ශ්රී ලංකාවේ රාජ්ය මූල්ය අංශය සැලකිය යුතු දියුණුවක් පෙන්නුම් කරමින්, සමස්ත අය-වැය අතිරික්තය රුපියල් බිලියන 197.3ක මට්ටමකට ළඟා වීමට රජය සමත්ව තිබේ. අප්රේල් මාසය අවසානයේ මෙම අගය බිලියන 105ක් ලෙස වාර්තා වී තිබූ අතර, කෙටි කාලයක් තුළ මෙම ප්රගතිය අත්කර ගැනීමට හැකිවීම විශේෂත්වයකි.මෙම මූල්ය දායකත්වයට ප්රධාන වශයෙන් හේතු වී ඇත්තේ රජයේ බදු ආදායමේ සිදුවූ 28.3%ක වර්ධනය සහ සමස්ත රාජ්ය ලැබීම්වල 30.6%ක ඉහළ යාමයි. මීට අමතරව, රජයේ වියදම් කළමනාකරණය ඉතා දැඩිව පවත්වා ගැනීමට පියවර ගෙන ඇති අතර, ඒ අනුව රජයේ වියදම් වර්ධනය 7.4%ක අවම මට්ටමක රඳවා ගැනීමට බලධාරීන් සමත්ව ඇත.එසේම, මෙරට ප්රාථමික අතිරික්තය රුපියල් ට්රිලියන 1.13ක් දක්වා ඉහළ ගොස් තිබේ. පසුගිය 2025 වසරේ වාර්තාවන්ට අනුව රාජ්ය ආදායම සහ ප්රදානයන්හි එකතුව රුපියල් බිලියන 1942.36ක් ලෙස සටහන්ව තිබූ අතර, වත්මන් දත්ත මගින් පෙන්නුම් කරන්නේ පාලනය කරනු ලැබූ වියදම් සහ ආදායම් වර්ධනය හේතුවෙන් ජාතික මූල්ය තත්ත්වය වඩාත් ශක්තිමත් වී ඇති බවයි.
රාජ්ය මූල්ය අංශයේ කැපී පෙනෙන වර්ධනයක්: අය-වැය අතිරික්තය බිලියන 197 ඉක්මවයි
