අද (08) පස්වරුවේ ඇදහැලුණු ධාරානිපාත වර්ෂාවත් සමඟ අවිස්සාවේල්ල පෞද්ගලික බස් නැවතුම්පොළ පරිශ්‍රය සම්පූර්ණයෙන්ම ජලයෙන් යටවී තිබේ. මේ හේතුවෙන් පස්වරුවේ ගමන් බිමන් සඳහා පැමිණි මගී ජනතාව දැඩි අසීරුතාවට පත්වූහ.නගරයේ පවතින කානු පද්ධතිවල අවහිරතා සහ අපජල බැසයාමේ පවතින දුර්වලතා මෙම ක්ෂණික ජල ගැලීමට ප්‍රධාන හේතුව වී ඇති බව සඳහන් වේ. මෙම තත්ත්වය හමුවේ නාගරික යටිතල පහසුකම් විධිමත් කිරීමේ අවශ්‍යතාව නැවතත් මතුව තිබේ.තත්ත්වය නිරීක්ෂණය කරමින් පවතින අතර, ඉදිරි පැය කිහිපය තුළ නගරය ආශ්‍රිතව රථවාහන තදබදය ඉහළ යාමේ අවදානමක් පවතී. හදිසි ආපදා තත්ත්වයන් පාලනය සඳහා කඩිනම් පියවර ගන්නා ලෙස ප්‍රදේශවාසීහු බලධාරීන්ගෙන් ඉල්ලා සිටිති.
අධික වර්ෂාවෙන් අවිස්සාවේල්ල බස් නැවතුම්පොළ යටවෙයි
