සිංහල සහ දමිළ අලුත් අවුරුදු උදාවත් සමඟ පසුගිය දින තුනක කාලය තුළ මෙරට අධිවේගී මාර්ග පද්ධතියෙන් රුපියල් මිලියන 163කට අධික ආදායමක් උපයා ගැනීමට මාර්ග සංවර්ධන අධිකාරිය සමත්ව තිබේ. අප්රේල් 10 වනදා සිට 12 වනදා දක්වා වූ මෙම කෙටි කාලසීමාව තුළ වාහන 434,338ක් පමණ අධිවේගී මාර්ග භාවිත කර ඇති බව එම අධිකාරියේ අධ්යක්ෂ ජනරාල් අනුරාධ හෙට්ටිආරච්චි මහතා තහවුරු කළේය.විශේෂයෙන්ම අප්රේල් 12 වනදා පමණක් රුපියල් මිලියන 45කට අධික ආදායමක් වාර්තා වී ඇති අතර, උත්සව සමයේ ජනතාව විශාල වශයෙන් ගම්බිම් බලා යාම මෙම ආදායම් වර්ධනයට ප්රධාන හේතුව වී ඇත. මාර්ග තදබදය අවම කරගනිමින් ආරක්ෂිතව ගමනාගමන කටයුතු සිදුකිරීම සඳහා රියදුරන් වැඩි වශයෙන් මෙම මාර්ග තෝරාගෙන ඇති බව නිරීක්ෂණය වේ.මේ අතර, අධිවේගී මාර්ගවල ගමන් ගන්නා අතරතුර යම් හදිසි ආපදා තත්ත්වයකට මුහුණ දීමට සිදුවුවහොත්, වහාම ක්රියාත්මක වන පරිදි 1969 ක්ෂණික ඇමතුම් අංකය අමතා සහාය ලබාගන්නා ලෙස මාර්ග සංවර්ධන අධිකාරිය රියදුරන්ගෙන් ඉල්ලා සිටී. නිසි සූදානමකින් හා අවධානයෙන් රිය පදවමින් උත්සව සමයේ ආරක්ෂාව තහවුරු කරගැනීම සැමගේ වගකීමකි.
අධිවේගී මාර්ගවලින් දින තුනකදී රුපියල් මිලියන 163ක ආදායමක්
