සුළි කුණාටුවෙන් දැඩි ලෙස කඩා වැටී හානියට පත් වූ උඩරට දුම්රිය මාර්ගයේ යළිත් වරක් සාමාන්ය පරිදි දුම්රිය ගමන් වාර ක්රියාත්මක කිරීමට දුම්රිය දෙපාර්තමේන්තුව සූදානම් වේ. ඒ අනුව රඹුක්කන සිට පේරාදෙණිය සහ ගම්පොළ දක්වා වන දුම්රිය මාර්ග කොටසේ ගමනාගමන කටයුතු එළැඹෙන ඔක්තෝබර් 02 වැනි දින සවස් වරුවේ සිට යළි ආරම්භ කෙරේ.මෙම සේවාවන් යළි ආරම්භ වීමත් සමඟම කොළඹ කොටුවේ සිට පේරාදෙණිය සහ ගම්පොළ දක්වා ගමන් ගන්නා මගීන්ට පෙර පැවති පරිදිම නියමිත කාලසටහනට අනුව ගමන් පහසුකම් සලසා ගැනීමට හැකියාව ලැබෙනු ඇත. සුළි කුණාටු තත්ත්වය හේතුවෙන් අත්හිටුවා තිබූ දුම්රිය ගමන් වාර යථා තත්ත්වයට පත්වීම මඟින් දුම්රිය මගීන්ට විශාල පහසුවක් සැලසෙනු ඇත.
උඩරට දුම්රිය ධාවනය රඹුක්කන සිට ගම්පොළ දක්වා යළි ඇරඹේ
