ජනාධිපති අනුර කුමාර දිසානායක මහතා අද (15) පෙරවරුවේ මහනුවර අස්ගිරි මහා විහාරය වෙත ගොස් මහා විහාරවංශික ස්යාමෝපාලි මහා නිකායේ අස්ගිරි පාර්ශ්වයේ මහා නායක අතිපූජ්ය වරකාගොඩ ශ්රී ඤාණරතන නාහිමිපාණන් වහන්සේ බැහැදැක තිබේ. එහිදී නාහිමිපාණන් වහන්සේගේ සුවදුක් විමසා බැලූ ජනාධිපතිවරයා උන්වහන්සේ සමඟ කෙටි පිළිසඳරක ද නිරත විය.මෙහිදී අස්ගිරි මහා නාහිමියන් ප්රමුඛ මහා සංඝරත්නය විසින් සෙත් පිරිත් සජ්ජායනා කර ජනාධිපතිවරයා වෙත සිය ආශිර්වාදය පළ කරන ලදී. උදා වූ සිංහල සහ දෙමළ අලුත් අවුරුද්ද වෙනුවෙන් රටට සහ ජනතාවට සෙත් පැතීම මෙහි ප්රධාන අරමුණ වූ අතර, රජයේ ඉදිරි කටයුතු සාර්ථක කර ගැනීම සඳහා මහා සංඝරත්නයේ අවවාද අනුශාසනා මෙහිදී අවධාරණය කෙරිණි.මෙම අවස්ථාව සඳහා සෞඛ්ය සහ ජනමාධ්ය අමාත්ය වෛද්ය නලින්ද ජයතිස්ස මහතා ඇතුළු දූත පිරිසක් එක්ව සිටියහ. අලුත් අවුරුදු චාරිත්රවලින් අනතුරුව ජනාධිපතිවරයා සිදු කළ මෙම ආගමික වතාවත් මාලාව මගින් ජාතික නායකත්වය සහ මහා සංඝරත්නය අතර පවතින සබඳතාව තවදුරටත් තහවුරු විය.
ජනපති අනුර කුමාර දිසානායක මහතා අස්ගිරි මහා නාහිමියන් බැහැදකියි
