ශ්රේෂ්ඨාධිකරණයේ සහ අභියාචනාධිකරණයේ විනිසුරු ධුර අටක් (08) මාස හයකට ආසන්න කාලයක සිට පුරවා නොමැති බව හිටපු පාර්ලිමේන්තු මන්ත්රී අජිත් පී. පෙරේරා මහතා චෝදනා කරයි. මෙරට අධිකරණ ඉතිහාසය තුළ ඉහළම අධිකරණ පද්ධතියේ මෙවැනි බරපතල තනතුරු ප්රමාදයක් සිදු වූ පළමු අවස්ථාව මෙය බව ඔහු පෙන්වා දෙයි. මෙම ඉහළ අධිකරණවලට අමතරව මහාධිකරණයේ ද දැනට විනිසුරු පුරප්පාඩු රැසක් පවතින බව අනාවරණය වේ.මෙම පත්වීම් දිගින් දිගටම ප්රමාද කිරීම හේතුවෙන් නීතිපති දෙපාර්තමේන්තුවේ සේවය කරන ජ්යෙෂ්ඨ නිලධාරීන්ගේ වෘත්තීය ප්රගතියට සහ උසස්වීම්වලට ද දැඩි බාධා එල්ල වී ඇත. සුදුසුකම්ලත් වෘත්තිකයන්ට හිමිවිය යුතු අවස්ථා මේ නිසා අහිමි වී යන බවද සඳහන් වේ. වගකිවයුතු බලධාරීන් විසින් මෙම පත්වීම් කඩිනමින් සිදු නොකිරීම නීති ක්ෂේත්රයේ ප්රශ්න රැසක් නිර්මාණය වීමට හේතු වී තිබේ.අවසාන වශයෙන්, මෙම පුරප්පාඩු හේතුවෙන් රටේ සමස්ත යුක්තිය පසඳලීමේ යාන්ත්රණය සහ දෛනික අධිකරණ ක්රියාවලිය දැඩි ලෙස ප්රමාද වෙමින් පවතින බව නීති ක්ෂේත්රයේ ප්රවීණයෝ අනතුරු අඟවති. මෙය අධිකරණයේ ස්වාධීනත්වයට මෙන්ම පොදු මහජනතාවට නියමිත වේලාවට යුක්තිය ඉටු කරගැනීමට ඇති අයිතියට ද එල්ල වී ඇති දැඩි බලපෑමක් බැවින්, මෙම ගැටලුව කඩිනමින් විසඳිය යුතු බව අවධාරණය කෙරේ.
ඉහළ අධිකරණවල විනිසුරු පුරප්පාඩු හේතුවෙන් අර්බුදයක්
