ශ්රී ලංකාව තුළ මේ දිනවල ඩෙංගු රෝගීන් වාර්තා වීමේ ප්රවණතාවය යළිත් වරක් ඉහළ ගොස් ඇති අතර, මෙරට තුළ ව්යාප්ත වෙමින් පවතින නව ඩෙංගු වෛරස් ප්රභේදයක් ඊට බලපා ඇති බව අග්රාමාත්ය ආචාර්ය හරිනි අමරසූරිය මහත්මිය පවසයි. මෙම නව ස්වරූපය හේතුවෙන් වෛරසය සම්ප්රේෂණය වීමේ වේගය සැලකිය යුතු ලෙස වර්ධනය වී ඇති බවත්, කොළඹ දිස්ත්රික්කය සහ මහරගම වැනි නගරාසන්න ප්රදේශ මෙම තත්ත්වයෙන් වැඩි බලපෑමකට ලක්ව ඇති බවත් අග්රාමාත්යවරිය තහවුරු කරයි.මේ වන විට සිදුකරන ලද නිරීක්ෂණවලට අනුව, නිවාසවලට අමතරව පාසල්, කාර්යාල පරිශ්ර සහ නඩත්තු නොකළ හිස් ඉඩම් මදුරුවන් බෝවන ප්රධාන ස්ථාන බවට පත්ව තිබේ. විශේෂයෙන්ම අතරමග නතර කර ඇති ඉදිකිරීම් භූමි සහ නිසි ලෙස පාලනය නොවන හිස් ඉඩම් සම්බන්ධයෙන් පවතින නෛතික හා ප්රායෝගික අභියෝග රෝග මර්දන කටයුතුවලට බාධාවක් වී ඇති බව පෙන්වා දෙන අග්රාමාත්යවරිය, රාජ්ය ආයතන පරිශ්රයන් පවා මදුරු බෝවන ස්ථාන බවට පත්වීම මෙම අර්බුදයේ බරපතළකම පෙන්නුම් කරන බව වැඩිදුරටත් සඳහන් කළාය.රෝග ව්යාප්තිය පාලනය කිරීම උදෙසා රට පුරා විශේෂ මර්දන මෙහෙයුම් අඛණ්ඩව ක්රියාත්මක කිරීමට තීරණය කර ඇත. වගකීම් විරහිත ලෙස තම පරිශ්ර පවත්වාගෙන යන පාර්ශවයන්ට එරෙහිව දැඩි නීතිමය පියවර ගැනීමට සිදුවන බව පවසන අග්රාමාත්යවරිය, මහජන සෞඛ්ය ආරක්ෂා කර ගැනීම වෙනුවෙන් තම වටපිටාව පිරිසිදුව තබා ගැනීමට සහ සෞඛ්ය උපදෙස් නිසි ලෙස අනුගමනය කිරීමට එක්වන ලෙස ජනතාවගෙන් ඉල්ලා සිටී.
ඩෙංගු රෝග ව්යාප්තියේ ඉහළ යාමක්: නව වෛරස් ප්රභේදයක් හඳුනාගැනේ – අග්රාමාත්ය හරිනි අමරසූරිය
