නිරිත දිග මෝසම සක්රීය වීමත් සමඟ ඉදිරි දින කිහිපයේදී දිවයිනේ නිරිත දිග ප්රදේශවල වැසි තත්ත්වය තවදුරටත් ඉහළ යනු ඇතැයි කාලගුණ විද්යා දෙපාර්තමේන්තුව නිවේදනය කරයි. ඒ අනුව, බස්නාහිර, සබරගමුව සහ වයඹ පළාත්වලත්, ගාල්ල, මාතර, මහනුවර සහ නුවරඑළිය දිස්ත්රික්කවලත් විටින් විට වැසි හෝ ගිගුරුම් සහිත වැසි බලාපොරොත්තු විය හැකිය. මෙම ප්රදේශවල ඇතැම් ස්ථානවලට මිලිමීටර් 75 ඉක්මවූ තද වැසි ඇතිවීමේ හැකියාවක් පවතී.එසේම, ඌව සහ නැගෙනහිර පළාත්වල ස්ථාන කිහිපයක පස්වරු කාලයේදී වැසි හෝ ගිගුරුම් සහිත වැසි ඇති විය හැකි බව කාලගුණ වාර්තා සඳහන් කරයි. මීට අමතරව, දිවයිනේ උතුරු, උතුරු-මැද, වයඹ සහ දකුණු පළාත්වලත්, මධ්යම කඳුකරයේ බටහිර බෑවුම් සහ ත්රිකුණාමලය දිස්ත්රික්කයේත් විටින් විට පැයට කිලෝමීටර් 30-40ත් අතර වේගයකින් හමන තරමක තද සුළං තත්ත්වයක් අපේක්ෂා කළ හැක.ගිගුරුම් සහිත වැසි ඇතිවන අවස්ථාවලදී එම ප්රදේශවල සුළං තත්ත්වයන්ද ඉහළ යා හැකි බැවින් අනතුරුදායක තත්ත්වයන්ගෙන් ආරක්ෂා වීමට ජනතාව සැලකිලිමත් විය යුතුය. අකුණු අනතුරු අවම කර ගැනීමට සහ ප්රචණ්ඩකාරී සුළං තත්ත්වයන්ගෙන් සිදුවිය හැකි හානි වළක්වා ගැනීමට අවශ්ය පූර්වාරක්ෂාවන් අනුගමනය කරන ලෙස කාලගුණ විද්යා දෙපාර්තමේන්තුව ජනතාවට වැඩිදුරටත් දැනුම් දෙයි.
දිවයිනේ ප්රදේශ කිහිපයකට තද වැසි සහිත කාලගුණයක්
