පවතින වැසි සහිත කාලගුණය හේතුවෙන් දිස්ත්රික්ක 4ක් සඳහා පළමු මට්ටමේ (කහ පැහැති) නායයෑම් පූර්ව අනතුරු ඇඟවීම් නිකුත් කිරීමට ජාතික ගොඩනැගිලි පර්යේෂණ සංවිධානය (NBRO) පියවර ගෙන ඇත. අද (12) අලුයම 4.00 සිට හෙට (13) අලුයම 4.00 දක්වා ඉදිරි පැය 24 පුරා මෙම නිවේදනය බලපැවැත්වේ. මෙලෙස අවදානම් මට්ටමේ පසුවන්නේ කළුතර, මහනුවර, නුවරඑළිය සහ රත්නපුර යන දිස්ත්රික්කවල පිහිටි ප්රදේශ කිහිපයකි.අධික වර්ෂාවත් සමඟ මෙම ප්රදේශවල නායයෑම්, පස්කඳු කඩාවැටීම්, ගල් පෙරළීම් මෙන්ම පොළොව ගිලාබැසීමේ අවදානමක් මතුවිය හැකි බව එම සංවිධානය පෙන්වා දෙයි. එබැවින් අදාළ කලාපවල පදිංචි ජනතාව මේ පිළිබඳව දැඩි උනන්දුවකින් සහ අවධානයකින් පසුවීම අත්යවශ්ය වේ.විශේෂයෙන්ම කඳුකර හා බෑවුම් සහිත ස්ථානවල ජීවත්වන ජනයා, පොළොව ඉරිතැලීම, ගස් හෝ විදුලි කණු ඇලවීම සහ හදිසියේ බොරදිය උල්පත් මතුවීම වැනි පූර්ව නායයෑම් ලක්ෂණ කෙරෙහි විමසිලිමත් විය යුතුය. එවැනි අනතුරුදායක තත්ත්වයක් නිරීක්ෂණය වුවහොත් වහාම ආරක්ෂිත ස්ථාන කරා යොමුවන ලෙසද බලධාරීන් උපදෙස් දෙයි.
දිස්ත්රික්ක 4කට නායයෑම් පිළිබඳ විමසිලිමත් වීමේ නිවේදනයක්
