බස්නාහිර, සබරගමුව සහ වයඹ පළාත් ඇතුළුව ගාල්ල, මාතර, මහනුවර සහ නුවරඑළිය යන දිස්ත්රික්කවලට විටින් විට වැසි හෝ ගිගුරුම් සහිත වැසි ඇතිවිය හැකි බව කාලගුණ විද්යා දෙපාර්තමේන්තුව පවසයි. විශේෂයෙන්ම බස්නාහිර, සබරගමුව පළාත්වල සහ ගාල්ල, මාතර, මහනුවර, නුවරඑළිය යන ප්රදේශවල ඇතැම් ස්ථානවලට මිලිමීටර් 50 ඉක්මවූ තරමක තද වැසි බලාපොරොත්තු විය හැක. මීට අමතරව, අනුරාධපුරය සහ හම්බන්තොට යන දිස්ත්රික්ක සඳහා ද වැසි ස්වල්පයක් ඇතිවීමේ හැකියාවක් පවතී.දිවයිනේ ප්රදේශ කිහිපයකටම වැසි තත්ත්වයට අමතරව සැලකිය යුතු සුළං තත්ත්වයක් ද පුරෝකථනය කර ඇත. ඒ අනුව මධ්යම කඳුකරයේ බටහිර බෑවුම් කලාපය, උතුරු හා උතුරු-මැද පළාත් මෙන්ම හම්බන්තොට සහ ත්රිකුණාමලය යන දිස්ත්රික්කවල පැයට කිලෝමීටර් 40ත් 50ත් අතර වේගයකින් විටින් විට තද සුළං හැමිය හැකිය. සෙසු පළාත්වල ද පැයට කිලෝමීටර් 30 සිට 40 දක්වා වන තරමක වේගවත් සුළං තත්ත්වයක් වරින් වර ඇතිවිය හැකි බව වාර්තා වේ.මේ හේතුවෙන් ගිගුරුම් සහිත වැසි හටගන්නා අවස්ථාවලදී තාවකාලිකව ඇතිවන ප්රබල සුළං සහ අකුණු අනතුරු මඟින් සිදුවිය හැකි හානි අවම කර ගැනීමට අවශ්ය පූර්ව ආරක්ෂිත පියවර ගන්නා ලෙස කාලගුණ විද්යා දෙපාර්තමේන්තුව මහජනතාවගෙන් කාරුණිකව ඉල්ලා සිටී.
ප්රදේශ කිහිපයකට තද වැසි සහ සුළං
