මහජන බැංකුව විසින් තමන්ගේ උකස් දේපළ වෙන්දේසි කිරීමට ගත් තීරණය අභියෝගයට ලක් කරමින් දයා සමූහ ව්යාපාරය සහ දයා ඇපරල් අපනයන සමාගම විසින් ගොනු කර තිබූ රිට් පෙත්සමක් අභියාචනාධිකරණය විසින් ප්රතික්ෂේප කරනු ලැබීය. ආර්. ගුරුසිංහ සහ ආචාර්ය සුමුදු ප්රේමචන්ද්ර යන විනිසුරුවරුන්ගෙන් සමන්විත විනිසුරු මඩුල්ලක් විසින් මෙම තීන්දුව ප්රකාශයට පත් කරන ලදී.අදාළ ව්යාපාරික ආයතන විසින් ලබාගෙන තිබූ ඇමෙරිකා ඩොලර් මිලියන 1.42කට අධික ණය මුදලක් ආපසු අය කර ගැනීමේ අරමුණින්, උකස් කළ දේපළ මහජන වෙන්දේසියක් හරහා විකුණා දැමීමට බැංකුවේ අධ්යක්ෂ මණ්ඩලය මීට පෙර තීරණය කර තිබුණි. මෙම පියවරට එරෙහිව සමාගම් පාර්ශ්වය නීතිමය ක්රියාමාර්ග ගෙන තිබුණත්, බැංකුවට මෙම ක්රියාවලිය නීත්යානුකූලව සිදු කිරීමට අයිතියක් ඇති බව අධිකරණය මෙහිදී අවධාරණය කළේය.මෙම පෙත්සම විභාග කිරීමෙන් අනතුරුව, පෙත්සම ප්රතික්ෂේප කිරීමට අමතරව පෙත්සම්කාර පාර්ශ්වයට රුපියල් මිලියනයක නඩු ගාස්තුවක් ගෙවන ලෙසටද අධිකරණය නියෝග කළේය. ඒ අනුව, මීට පෙර ගත් තීරණය පරිදි මහජන බැංකුවට එම දේපළ වෙන්දේසි කිරීම සඳහා කිසිදු බාධාවක් නොමැති බව තහවුරු විය.
මහජන බැංකුවට අයත් වෙන්දේසි කිරීමේ අයිතිය අභියාචනාධිකරණය තහවුරු කරයි
