හිටපු ජනාධිපති ගෝඨාභය රාජපක්ෂ මහතාට පනවා ඇති විදේශ ගමන් තහනම තාවකාලිකව ඉවත් කිරීමේ ඉල්ලීම සම්බන්ධයෙන් කරුණු පැහැදිලි කිරීම සඳහා ලබන නොවැම්බර් මස 4 වැනි දින අධිකරණය හමුවේ පෙනී සිටින ලෙස කොටුව මහේස්ත්‍රාත් පසන් අමරසේන මහතා අපරාධ පරීක්ෂණ දෙපාර්තමේන්තුවට (CID) නියෝග කර ඇත. සිංගප්පූරු රෝහලකදී සිදුකරන ලද හෘද සැත්කමකින් පසු වැඩිදුර වෛද්‍ය ප්‍රතිකාර සඳහා විදෙස්ගත වීමට අවශ්‍ය බව පවසමින් හිටපු ජනාධිපතිවරයාගේ නීතිඥ මණ්ඩලය ඉදිරිපත් කළ මෝසමක් සලකා බැලීමෙන් අනතුරුව මෙම නියෝගය නිකුත් කර තිබේ.පාස්කු ඉරුදින ප්‍රහාර මාලාවට අදාළ විමර්ශන හේතුවෙන් මීට පෙර හිටපු ජනාධිපතිවරයා ඇතුළු බුද්ධි නිලධාරීන් කිහිපදෙනෙකුගේ විදේශ ගමන් අධිකරණය විසින් තහනම් කර තිබිණි. කෙසේ වෙතත්, අදාළ නඩුව කැඳවූ අවස්ථාවේදී පැමිණිල්ල වෙනුවෙන් අපරාධ පරීක්ෂණ දෙපාර්තමේන්තුව අධිකරණය හමුවේ පෙනී නොසිටීම විශේෂත්වයකි.
හිටපු ජනපති ගෝඨාභයගේ විදෙස් ගමන් තහනම තාවකාලිකව ඉවත් කිරීම පිළිබඳ කරුණු දැක්වීමට CIDයට නොතිසි
