හිටපු පාර්ලිමේන්තු මන්ත්රීනී හිරුණිකා ප්රේමචන්ද්ර මහත්මිය ඉදිරිපත් කළ අභියාචනා පෙත්සම ලබන අගෝස්තු මස 06 වන දින විභාගයට ගැනීමට අභියාචනාධිකරණය අද (06) තීරණය කළේය. 2015 වසරේදී දෙමටගොඩ ප්රදේශයේ තරුණයෙකු පැහැරගෙන ගොස්, පහර දී, අයුතු ලෙස සිරකර තැබීමේ සිද්ධියකට අදාළව කොළඹ මහාධිකරණය මගින් ඇයට බරපතළ වැඩ සහිත වසර තුනක සිර දඬුවමක් නියම කර තිබුණි. තමන්ට පැනවූ එම දඬුවමෙන් නිදොස් කොට නිදහස් කරන ලෙස ඉල්ලමින් ඇය මෙම අභියාචනය ගොනු කර ඇත.කොළඹ මහාධිකරණයේ තීන්දුව අභියෝගයට ලක් කරමින් ඉදිරිපත් වූ මෙම පෙත්සම සලකා බැලූ අධිකරණය, ඊට අදාළ විභාග කටයුතු අගෝස්තු මාසයේදී ආරම්භ කිරීමට නියම කළ බව වාර්තා වේ. අධිකරණ ආරංචි මාර්ග සඳහන් කරන්නේ මහාධිකරණ තීන්දුවේ පවතින නීතිමය කරුණු නැවත සමාලෝචනය කිරීම සඳහා මෙම අභියාචනා විභාගය පැවැත්වීමට නියමිත බවයි.
හිරුණිකා ප්රේමචන්ද්ර මහත්මියගේ අභියාචනා පෙත්සම විභාගයට ගැනීමට දින නියම වෙයි
