අඟුරුවාතොට, බටගොඩ ප්රදේශයේ පිහිටි ‘සෙනෙහසේ කැදැල්ල’ වැඩිහිටි රැඳවුම් මධ්යස්ථානයේ හටගත් දරුණු ගින්නෙන් පිළිස්සුම් තුවාල ලබා ප්රතිකාර ලබමින් සිටි තවත් පුද්ගලයෙකු ජීවිතක්ෂයට පත්ව තිබේ. ඒ අනුව පසුගිය ජුනි 3 වැනිදා සිදු වූ මෙම අවාසනාවන්ත අනතුරෙන් මියගිය සමස්ත පිරිස මේ වන විට 13 දෙනෙකු දක්වා ඉහළ ගොස් ඇති බව වාර්තා වේ.මෙම අනපේක්ෂිත ඛේදවාචකය සිදුවන අවස්ථාවේදී අදාළ වැඩිහිටි නිවාසය තුළ නේවාසිකයන් 72 දෙනෙකු රැඳී සිට ඇත. ගින්න වේගයෙන් පැතිර යාම හේතුවෙන් ඉන් බේරීමට නොහැකි වූ පුද්ගලයන් 10 දෙනෙකු සිද්ධිය වූ ස්ථානයේදීම පිළිස්සී ජීවිතක්ෂයට පත්වූ බව බලධාරීන් මුලින්ම තහවුරු කර තිබුණි.කෙසේ වෙතත්, අනතුරෙන් තුවාල ලබා බරපතළ තත්ත්වයෙන් රෝහල්ගත කළ පිරිස අතරින් තවත් තිදෙනෙකු පසුව මියගොස් ඇති බව රෝහල් ආරංචි මාර්ග පවසයි. ගින්න හටගැනීමට හේතුව මෙතෙක් අනාවරණය වී නොමැති අතර, සිද්ධිය සම්බන්ධයෙන් අඟුරුවාතොට පොලිසිය ඇතුළු ආරක්ෂක අංශ පුළුල් විමර්ශනයක් ආරම්භ කර ඇත.
අඟුරුවාතොට වැඩිහිටි නිවාසයේ ගින්නෙන් මියගිය සංඛ්යාව 13 දක්වා ඉහළ යයි
