පාකිස්ථානයේ රාවල්පින්ඩි ක්‍රීඩාංගණයේ පැවැති තුන්කොන් එක්දින තරගාවලියේ තෙවැනි තරගයේදී එංගලන්තය කඩුලු 2කින් පරාජය කරමින් අති විශිෂ්ට ජයක් හිමිකර ගැනීමට ශ්‍රී ලංකා කණ්ඩායම සමත් විය. මෙය ශ්‍රී ලංකා එක්දින ක්‍රිකට් ඉතිහාසයේ සාර්ථකව හඹාගිය ඉහළම ලකුණු සංඛ්‍යාව ලෙස ද වාර්තා අතරට එක්වේ.පළමුවෙන් පන්දුවට පහරදුන් එංගලන්ත කණ්ඩායම පන්දුවාර 50 අවසානයේ කඩුලු 4ක් දැවී ලකුණු 429ක දැවැන්ත ලකුණු සංඛ්‍යාවක් රැස් කළ අතර, හැරී බෲක් නොදැවී ලකුණු 200ක් ලබා ගත්තේය. පිළිතුරු ඉනිම ක්‍රීඩා කළ ශ්‍රී ලංකා කණ්ඩායම පන්දුවාර 49.5කදී කඩුලු 8ක් පමණක් දැවී ඉලක්කය සපිරීමට සමත් විය.ශ්‍රී ලංකා ඉනිම වෙනුවෙන් පවන් රත්නායක ලකුණු 130ක් රැස් කළ අතර, දසුන් ශානක සහ අවිශ්ක ප්‍රනාන්දු ලකුණු 97 බැගින් ලබා ගනිමින් ජයග්‍රහණයට ශක්තිමත් පදනමක් දැමූහ. නොදැවී ලකුණු 61ක් රැස් කළ ජනිත් ලියනගේ ශ්‍රී ලංකාව ජයග්‍රාහී ඉලක්කය වෙත ගෙන යාමට සමත් විය.
එංගලන්තය පරදා ශ්‍රී ලංකාවට ඓතිහාසික එක්දින ජයක්
