බෝම්බ ප්රහාර මාලාවකින් මුළු රටම කම්පනයට පත් කළ 2019 අප්රේල් 21 වනදා අඳුරු මතකය අදට වසර හතක් සපුරයි. එදා එල්ල වූ මරාගෙන මැරෙන ත්රස්ත ප්රහාරයන්ගෙන් අහිංසක මිනිස් ජීවිත 269ක් අහිමි වූ අතර, සිය ගණනක් තුවාල ලැබූහ. ප්රහාරයට ලක්වූ දේවස්ථාන සහ හෝටල් කේන්ද්ර කරගනිමින්, වින්දිතයන් සිහිපත් කිරීමේ සැමරුම් සහ විශේෂ ආගමික මෙහෙයන් අද දිනය පුරා දිවයින පුරා පැවැත්වීමට නියමිතය.ප්රධාන සැමරුම් උත්සවය කොළඹ කොච්චිකඩේ ශාන්ත අන්තෝනි දේවස්ථානයේදී පැවැත්වෙන අතර, එය මැල්කම් කාදිනල් රංජිත් හිමිපාණන්ගේ ප්රධානත්වයෙන් සිදු කෙරේ. මෙම අවස්ථාවට විදේශීය තානාපතිවරුන්, අන්යාගමික නායකයන් මෙන්ම ප්රහාරයෙන් පීඩාවට පත් වූ පවුල්වල සාමාජිකයන් සහභාගී වීමට නියමිතය. ඒ හා සමානවම කටුවාපිටිය දේවස්ථානයේද විශේෂ දිව්ය පූජා සහ ස්මාරක සැමරුම් සංවිධානය කර ඇත.වසර හතක් ගත වුවද එම ඛේදවාචකයේ මතකය තවමත් රට තුළ නොමැකී පවතින අතර, යුක්තිය ඉටුවනු ඇතැයි යන අපේක්ෂාව පෙරදැරි කරගෙන මෙම සැමරුම් සංවිධානය කර ඇත. මෙම ශෝකී මතකය සිහිපත් කරමින් ආගමික සහයෝගීතාවය සහ සාමය උදෙසා එක්වන ලෙස සියලු දෙනාගෙන් ඉල්ලීමක් කෙරේ.
පාස්කු ප්රහාරයට වසර 7ක්
