දොම්පේ ප්රාදේශීය ලේකම් කාර්යාලය යටතේ පවතින මල්වාන ප්රදේශයේ පිහිටි ඉඩමක, විශ්වවිද්යාල සිසුන් පිරිසක් දින කිහිපයක සිට රැඳී සිටීමේ සිද්ධිය කෙරෙහි අග්රාමාත්ය මෙන්ම අධ්යාපන, උසස් අධ්යාපන හා වෘත්තීය අධ්යාපන අමාත්ය ආචාර්ය හරිනි අමරසූරියගේ සෘජු අවධානය යොමුව තිබේ. අදාළ ශිෂ්යයන් ඉදිරිපත් කර ඇති ඉල්ලීම් සහ පවත්නා තත්ත්වය පිළිබඳව සොයා බලා ඊට සුදුසු විසඳුම් සෙවීම මෙම මැදිහත්වීමේ ප්රධාන අරමුණ වී ඇත.මේ අනුව, සිසුන්ගේ ගැටලු සාකච්ඡා කිරීම සඳහා අග්රාමාත්යවරියගේ ප්රධානත්වයෙන් යුත් විශේෂ හමුවක් හෙට (18) කොළඹ පිහිටි අග්රාමාත්ය කාර්යාලයේදී පැවැත්වීමට සියලු කටයුතු සූදානම් කර තිබේ. මෙම අවස්ථාවට අදාළ වගකිවයුතු පාර්ශව රැසක් කැඳවා ඇති අතර, එහිදී සිදුවන දීර්ඝ සාකච්ඡාවලින් අනතුරුව ගතයුතු ඉදිරි නිල ක්රියාමාර්ග සහ තීරණ පිළිබඳව අවසන් එකඟතාවයකට පැමිණීමට නියමිතය.
මල්වානේ ඉඩමක රැඳී සිටින සරසවි සිසුන් ගැන අගමැතිනියගෙන් කඩිනම් අවධානයක්
