පවත්නා රාජ්ය යාන්ත්රණයේ ඵලදායීතාව ඉහළ නැංවීම සහ අනවශ්ය වියදම් පාලනය කිරීම වෙනුවෙන් රාජ්ය ආයතන ප්රතිසංස්කරණය කිරීමට ජනාධිපති අනුර කුමාර දිසානායක මහතා තීරණය කර තිබේ. එකම විෂය පථයක් යටතේ අමාත්යාංශ කිහිපයක ආයතන විසිරී පැවතීම නිසා සිදුවන සම්පත් අපතේ යාම වැළැක්වීමටත්, අකාර්යක්ෂම ආයතන ඒකාබද්ධ කිරීමට හෝ ඉවත් කිරීමටත් ජනාධිපතිවරයා බලධාරීන්ට උපදෙස් දී ඇත. රාජ්ය පරිපාලනය වඩාත් විනිවිදභාවයකින් යුතුව ජනතා කේන්ද්රීය සේවාවක් බවට පත් කිරීම මෙහි මූලික අරමුණයි.නිවාස, ඉදිකිරීම් සහ ජල සම්පාදන අමාත්යාංශයේ ඉදිරි සැලසුම් සමාලෝචනය කිරීමේදී මේ පිළිබඳව විශේෂයෙන් සාකච්ඡා වී ඇති අතර, ජනතාවගේ පානීය ජල ගැටලුවට ස්ථිර විසඳුම් දීම සඳහා 2027 වසරේදී ඉතිහාසයේ වැඩිම අයවැය ප්රතිපාදන වෙන් කිරීමට ද තීරණය කර තිබේ. ඒ අනුව මහනුවර උතුර, අඹතලේ, අනුරාධපුර උතුර සහ මහකොළඹ අපජල කළමනාකරණය වැනි ප්රධාන ව්යාපෘති රැසක ප්රගතිය මෙහිදී ජනාධිපතිවරයාගේ සෘජු නිරීක්ෂණයට ලක් විය.මීට අමතරව, යුද්ධයෙන් අවතැන් වූ ජනතාව නැවත පදිංචි කිරීමේ කටයුතු කඩිනම් කිරීමටත්, අඩු ආදායම්ලාභී පවුල් වෙනුවෙන් ක්රියාත්මක “තමන්ගේම තැනක් – ලස්සන ජීවිතයක්” වැඩසටහන යටතේ නිවාස ආධාර ලබා දීමටත් පියවර ගන්නා ලෙස උපදෙස් දී ඇත. මෙවැනි විධිමත් රාජ්ය ප්රතිසංස්කරණ සහ සෘජු අධීක්ෂණ ක්රියාවලීන් තුළින් කෙටි හා දිගුකාලීන වශයෙන් රටේ සමස්ත ආර්ථික ස්ථාවරත්වයට මෙන්ම සංවර්ධනයට විශාල පිටුවහලක් ලැබෙනු ඇතැයි අපේක්ෂා කෙරේ.
රාජ්ය ආයතන විධිමත් කිරීමට සහ ජල-නිවාස ව්යාපෘති කඩිනම් කිරීමට ජනාධිපතිගෙන් උපදෙස්
