ශ්රී ලංකාවේ ජාතික විදුලිබල පද්ධතියට පුනර්ජනනීය බලශක්තිය එක් කිරීමේ අරමුණින් ක්රියාත්මක හම්බන්තොට සූර්ය උද්යාන සංවර්ධකයින් සහ ලංකා විදුලිබල මණ්ඩලය අතර වසර 20ක දිගුකාලීන ගිවිසුමකට නිල වශයෙන් එළඹ තිබේ. විදුලිබල මණ්ඩලය ප්රතිව්යූහගතකරණය කිරීමෙන් පසු නව නියාමන රාමුවක් යටතේ මෙරට ක්රියාත්මක වන ප්රථම ව්යාපෘතිය මෙය වීම විශේෂත්වයකි. සාම්ප්රදායික උත්පාදන ක්රමවේදවලින් බැහැරව, පිරිවැය අවම හරිත බලශක්තිය වෙත රට යොමු කිරීමේ තීරණාත්මක පියවරක් ලෙස මෙම එකඟතාව හඳුන්වා දිය හැකිය.මෙම ජාතික මෙහෙයුම සඳහා Southern Nexus, DHCE සහ GTC යන සමාගම් ඒකාබද්ධව කටයුතු කරයි. ඒ වෙනුවෙන් චරණ කුමාරණතුංග, දුලංගා කුමාරණතුංග, මධුසංඛ ප්රනාන්දු, ලියු කායි, බන්දුල විතානආරච්චි සහ ට්රැවිස් ඩි රෝස් වැනි ප්රමුඛ දේශීය හා විදේශීය ආයෝජකයින් නායකත්වය ලබා දී ඇත. කෙටිකාලීන ව්යාපාරික අරමුණුවලින් ඔබ්බට යමින්, රටේ අනාගත බලශක්ති සුරක්ෂිතතාව වෙනුවෙන් දායක වන දිගුකාලීන ජාතික වත්කමක් ලෙස මෙම ව්යාපෘතිය ඉදිරියට පවත්වාගෙන යාම ඔවුන්ගේ අරමුණයි.දේශීය හා විදේශීය ආයෝජන නිසි පරිදි ඒකාබද්ධ කෙරෙන මෙම වැඩපිළිවෙළ හරහා ඉදිරි දශක කිහිපය තුළ දේශීය විදුලි අවශ්යතාව ඉහළ විනිවිදභාවයකින් යුතුව සපුරාලීමට මඟ පෑදේ. නවීන තාක්ෂණය සහ වගකීම්සහගත ආයෝජන උපයෝගී කරගනිමින්, මහජනතාව මුහුණ දෙන විදුලි අර්බුදයන්ට තිරසාර විසඳුම් ලබා දීමටත්, එමඟින් රටේ සාර්ව ආර්ථික ස්ථාවරත්වය තහවුරු කිරීමටත් මෙම සාමූහික ප්රයත්නය සුවිශේෂී සන්ධිස්ථානයක් වනු ඇතැයි අපේක්ෂා කෙරේ.
හම්බන්තොට සූර්ය උද්යාන ව්යාපෘතිය වෙනුවෙන් ලෙකෝ සහ ආයෝජකයින් අතර වසර 20ක ගිවිසුමක්
