කාලගුණ විද්යා දෙපාර්තමේන්තුවට අනුව, අද දිනයේදී බස්නාහිර, සබරගමුව සහ වයඹ පළාත්වලත්, ගාල්ල, මාතර, මහනුවර සහ නුවරඑළිය දිස්ත්රික්කවලත් විටින් විට වැසි අපේක්ෂා කෙරේ. මීට අමතරව, ඌව සහ නැගෙනහිර පළාත්වල මෙන්ම මුලතිව් දිස්ත්රික්කයේ ඇතැම් ප්රදේශවලට පස්වරු 2.00 න් පසුව වැසි හෝ ගිගුරුම් සහිත වැසි ඇති විය හැකි බව එම නිවේදනයේ සඳහන් වේ.දිවයිනේ ප්රදේශ කිහිපයක සුළඟේ වේගය තරමක් ඉහළ යා හැකි බවද කාලගුණ විද්යා අංශ පෙන්වා දෙයි. විශේෂයෙන් මධ්යම කඳුකරයේ බටහිර බෑවුම් ප්රදේශ, උතුරු-මැද, වයඹ සහ දකුණු පළාත්වල මෙන්ම ත්රිකුණාමලය දිස්ත්රික්කයේත් විටින් විට පැයට කිලෝමීටර් 30-40ත් අතර තරමක තද සුළං බලාපොරොත්තු විය හැකිය.ගිගුරුම් සහිත වැසි ඇතිවන අවස්ථාවලදී එම ප්රදේශවල තාවකාලිකව තද සුළං ඇති විය හැකි අතර, අකුණු අනතුරුද සිදුවිය හැකිය. එබැවින්, අකුණු මඟින් සහ තද සුළංවලින් සිදුවිය හැකි අනතුරු අවම කර ගැනීමට අවශ්ය පූර්වාරක්ෂාවන් අනුගමනය කරන ලෙස ජනතාවගෙන් කාරුණිකව ඉල්ලා සිටී.
අද දිනයේ පළාත් කිහිපයකට වැසි හෝ ගිගුරුම් සහිත වැසි
