ජාත්යන්තර අභ්යවකාශ මධ්යස්ථානයේ (ISS) රැඳී සිටින නාසා ගගනගාමී ආචාර්ය අනිල් මෙනන් විසින් අභ්යවකාශයේ සිට ලබාගත් ශ්රී ලංකාවේ සුවිශේෂී ඡායාරූපයක් සිය නිල ඉන්ස්ටග්රෑම් ගිණුම හරහා ප්රසිද්ධියට පත් කර තිබේ. ගැඹුරු නිල් පැහැති ඉන්දීය සාගරයෙන් වටවී, සුදු පැහැති වලාකුළුවලින් වැසී ඇති ශ්රී ලංකාවේ ස්වභාවික සුන්දරත්වය මෙම ඡායාරූපයෙන් මනාව දිස්වන අතර, පෝක් සමුද්ර සන්ධියට ඔබ්බෙන් පිහිටි දකුණු ඉන්දියාවේ කෙළවරද එහි පසුබිමෙන් දැකගත හැකිය.ඇමරිකානු අභ්යවකාශ හමුදාවේ කර්නල්වරයෙකු මෙන්ම ගුවන් ශල්ය වෛද්යවරයෙකුද වන ආචාර්ය මෙනන්, 2026 ජූලි මාසයේදී සෝයුස් MS-29 යානයෙන් ජාත්යන්තර අභ්යවකාශ මධ්යස්ථානය වෙත ළඟා විය. මාස අටක මෙහෙයුමක් සඳහා එක්ව සිටින ඔහු, ජෛව වෛද්ය හා අභ්යවකාශ වෛද්ය පර්යේෂණවල නිරත වන අතරතුර පෘථිවියේ සුන්දර දර්ශන මෙලෙස ලොවට බෙදාහරිමින් සිටී.



























