ඇමරිකානු එක්සත් ජනපදයේ ජනාධිපති ඩොනල්ඩ් ට්රම්ප් මහතා අද දින (ජූනි 14) සිය 80 වැනි උපන්දිනය සමරනු ලබයි. වත්මන් ලෝක දේශපාලනයේ සුවිශේෂී සන්ධිස්ථානයක් සනිටුහන් කරමින් දශක අටක් සපුරන ජනාධිපතිවරයාගේ මෙම උපන්දිනය නිමිත්තෙන් ධවල මන්දිරයේ දකුණු තණතිල්ලේ විශේෂ උත්සවයක් සංවිධානය කර තිබේ. ඇමරිකානු නිදහසේ 250 වැනි සංවත්සර සැමරුම්වලට ද සමගාමීව ‘UFC Freedom 250’ නමින් පැවැත්වෙන දැවැන්ත සටන් සංදර්ශනයක් මෙයට ඇතුළත් වීම හේතුවෙන් මේ වන විට ජාත්යන්තරයේ දැඩි අවධානයක් මේ වෙත යොමුව ඇත.අඩි 92ක් උසැති දැවැන්ත වානේ ව්යුහයකින් සමන්විත විශේෂ පරිශ්රයක පැවැත්වෙන මෙම ක්රීඩා ඉසව්ව සඳහා ජාත්යන්තර මට්ටමේ සටන් ශිල්පීන් 14 දෙනෙකු සහභාගී වීමට නියමිතය. විනෝදාත්මක සහ දේශපාලනික අංග මුසු වූ මෙවැනි උත්සවයක් ධවල මන්දිර පරිශ්රයේ සංවිධානය කිරීම ඇමරිකානු දේශපාලන ඉතිහාසයේ පෙර නොවූ විරූ සිදුවීමක් ලෙස දේශපාලන විචාරකයෝ පෙන්වා දෙති.කෙසේ වෙතත්, රාජ්ය නායකයාගේ මෙම උපන්දින සැමරුම් වැඩසටහන එරට සිවිල් සහ දේශපාලන සංවිධාන කිහිපයක දැඩි විවේචනයට ලක්ව තිබේ. මෙම ක්රියාවලිය අනුමත නොකරමින් ඇතැම් පාර්ශවයන් අධිකරණයේ පිහිට පතා තිබුණද, අවසානයේදී අදාළ උත්සවය සැලසුම් කළ පරිදි ඉදිරියට කරගෙන යාම සඳහා අධිකරණය මඟින් අවසර ලබා දී ඇත.
ඇමරිකානු ජනාධිපති ඩොනල්ඩ් ට්රම්ප් සිය 80 වැනි උපන්දිනය සමරයි
