2025-2026 වර්ෂ සඳහා වූ ගල් අඟුරු ප්රසම්පාදන ක්රියාවලිය සම්බන්ධයෙන් විගණකාධිපතිවරයා නිකුත් කළ වාර්තාවේ ඇතැම් කරුණු දෝෂ සහගත බව වෙළඳ අමාත්ය වසන්ත සමරසිංහ මහතා ප්රකාශ කරයි. මෙම ගනුදෙනුව තුළ කිසිදු මූල්ය වංචාවක් සිදුව නොමැති බව අවධාරණය කරන අමාත්යවරයා, විගණන වාර්තාව සකස් කිරීමේදී ප්රසම්පාදන කොමිෂන් සභාවේ ඇතැම් අභ්යන්තර උපදෙස් හා ලේඛන නිසි පරිදි පරිශීලනය කර නොමැති බව පෙන්වා දෙයි. රජයේ ස්ථාවරය වන්නේ මෙම සමස්ත ක්රියාවලිය විනිවිදභාවයකින් යුතුව සිදු වූ බවයි.ලංසු කැඳවීමේ දැන්වීම පළ කරන අවස්ථාව වන විටත් සමාගම් ලියාපදිංචි වී තිබිය යුතු බවට විගණකාධිපතිවරයා දක්වා ඇති නිගමනය තාක්ෂණික වශයෙන් වැරදි බව අමාත්යවරයා මෙහිදී පෙන්වා දුන්නේය. ප්රසම්පාදන කොමිෂන් සභාවේ නියමයන්ට අනුව, ලංසු ඉදිරිපත් කරන අවස්ථාව වන විට අදාළ ලියාපදිංචිය සපුරා තිබීම ප්රමාණවත් වේ. එවැනි පසුබිමක, විගණකාධිපති වාර්තාව හරහා මතුව ඇති ගැටලුකාරී තත්ත්වය කරුණු මනාව වටහා නොගැනීම නිසා ඇති වූවක් බව රජයේ මතයයි.විෂය භාර අමාත්යවරයා සහ ලේකම්වරයා සිය ධුරවලින් ඉල්ලා අස්වීම පිළිබඳව ද අදහස් දැක්වූ වසන්ත සමරසිංහ මහතා, එය වංචාවක් නිසා සිදු වූවක් නොව පරීක්ෂණ කටයුතුවල ස්වාධීනත්වය ආරක්ෂා කිරීමට ගත් සදාචාරාත්මක පියවරක් බව සඳහන් කළේය. දූෂණය සම්බන්ධයෙන් රජය දැඩි ප්රතිපත්තියක පසුවන අතර, අතීතයේ පැවති අක්රමිකතා නිවැරදි කරමින් වත්මන් ප්රසම්පාදන කටයුතු නිසි ක්රමවේදයට සිදු කර ඇති බවත්, විමර්ශන හරහා නුදුරේදීම සත්යය අනාවරණය වනු ඇති බවත් ඔහු වැඩිදුරටත් පැවසීය.
ගල් අඟුරු ප්රසම්පාදන විගණන වාර්තාවේ දෝෂ: අමාත්ය වසන්ත සමරසිංහ කරුණු පැහැදිලි කරයි
