ගිනි නිවීමේ සේවා දෙපාර්තමේන්තුවේ ප්රධාන හදිසි ඇමතුම් අංකය තාක්ෂණික දෝෂයක් හේතුවෙන් තාවකාලිකව අක්රීය වී ඇති බව එම දෙපාර්තමේන්තුව නිවේදනය කරයි. මෙම තත්ත්වය මත මහජනතාවට ඇති වන අපහසුතාව වළක්වා ගැනීම සඳහා විකල්ප ක්රියාමාර්ග ගැනීමට බලධාරීන් පියවර ගෙන ඇත.ඒ අනුව, දිවයිනේ සන්නිවේදනය වන ඕනෑම ප්රදේශයක සිදුවන ගිනි ගැනීම් ඇතුළු අනෙකුත් හදිසි ආපදා තත්ත්වයන් වාර්තා කිරීම සඳහා ආපදා කළමනාකරණ මධ්යස්ථානයට අයත් 117 හදිසි ඇමතුම් අංකය භාවිත කරන ලෙස ජනතාවගෙන් ඉල්ලා සිටී. මහජනතාවට අවශ්ය සහන සේවා ප්රමාදයකින් තොරව ලබාදීමට මෙමඟින් කටයුතු සූදානම් කර තිබේ.අක්රීය වී පවතින ගිනි නිවීමේ සේවා දෙපාර්තමේන්තුවේ නිල හදිසි ඇමතුම් පද්ධතිය කඩිනමින් යථා තත්ත්වයට පත් කිරීමට අවශ්ය කටයුතු මේ වන විටත් සිදු කරමින් පවතී. එම සේවාව යළි සක්රීය වන තුරු ගිනි ගැනීම් පිළිබඳ තොරතුරු 117 අංකය ඔස්සේ පමණක් දැනුම් දෙන ලෙසට වැඩිදුරටත් මතක් කර සිටියි.
ගිනි නිවීමේ හදිසි ඇමතුම් සේවාවට විකල්ප අංකයක්
