ලංකාවේ ගොවිතැන ආණ්ඩුක්රම ව්යවස්ථාව මඟින්ම සුරක්ෂිත කෙරෙන මූලික අයිතිවාසිකමක් බවට පත් කිරීමට තමන් ප්රමුඛ සමගි ජන බලවේගය සූදානම් බව විපක්ෂ නායක සජිත් ප්රේමදාස මහතා ප්රකාශ කරයි. පාර්ලිමේන්තුවේ පැවති විශේෂ සාකච්ඡාවකට එක්වෙමින් ඔහු පෙන්වා දුන්නේ වත්මන් ගොවි ජනතාව මුහුණ දෙන අර්බුද හමුවේ ඔවුන්ගේ වෘත්තීය අයිතීන් ව්යවස්ථාපිතව තහවුරු කිරීම අත්යවශ්ය වී ඇති බවයි. මැතිවරණ සමයෙන් පසු දේශපාලන අධිකාරිය ගොවීන් අමතක කර දැමීම හේතුවෙන් සමස්ත කෘෂිකර්මාන්තයම කඩා වැටී ඇති බවද ඔහු එහිදී සඳහන් කළේය.වත්මන් ආර්ථික රටාව තුළ බීජ, පොහොර, කෘෂි රසායන සහ උපකරණ මිල අධික ලෙස ඉහළ යාම නිසා ගොවීන්ට සිය වගා කටයුතු කරගෙන යාමට සිදුව ඇත්තේ දේපළ උගස් තබමිනි. මීට අමතරව උග්ර වී ඇති අලි-මිනිස් ගැටුම වැනි බාහිර ප්රශ්න හේතුවෙන්ද ඔවුහු දැඩි පීඩාවකට පත්ව සිටිති. වී කිලෝග්රෑමයක් නිෂ්පාදනය කිරීමට රුපියල් 137ක පිරිවැයක් දැරීමට සිදු වුවද, රජයේ සහතික මිල රුපියල් 120ක් වැනි අවම මට්ටමක පැවතීම නිසා ගොවියා දිගින් දිගටම පාඩු ලබන බවද විපක්ෂ නායකවරයා සංඛ්යා ලේඛන පෙන්වා දෙමින් අවධාරණය කළේය.දේශපාලන වාසි තකා පමණක් නොව, රටේ ප්රධාන ජීවනෝපාය සුරැකීම වෙනුවෙන් කෘෂිකර්මාන්තය ජාතික මට්ටමේ ප්රමුඛතාවක් කරගත යුතු බව මෙහිදී ප්රකාශ විය. ඒ අනුව, ගොවි ජනතාව සූරාකෑමෙන් වළක්වා ඔවුන්ගේ ආර්ථික ස්ථාවරත්වය තහවුරු කෙරෙන දිගුකාලීන වැඩපිළිවෙළක් රටට අවශ්ය බව මෙම හමුවේදී වැඩිදුරටත් සාකච්ඡා විය.
ගොවිතැන මූලික අයිතිවාසිකමක් කිරීමට සජිත් ප්රේමදාස මහතාගෙන් යෝජනාවක්
