සිංහල හා දෙමළ අලුත් අවුරුදු උදා වූ ඊයේ දිනයේදී දිවයිනේ ස්ථාන දෙකක සිදුවූ දියේ ගිලීම් හේතුවෙන් එකම පවුල්වල සහෝදරයන් පස්දෙනෙකු ජීවිතක්ෂයට පත්වීමේ ශෝකජනක පුවත් වාර්තා වේ. බලධාරීන් විසින් අනාරක්ෂිත ස්ථානවල දිය නෑමෙන් වළකින ලෙස නිරන්තරයෙන් දැනුවත් කළද, එවැනි අවදානම් නොසලකා කටයුතු කිරීම මෙම ඛේදවාචකයන්ට ප්රධාන හේතුව වී තිබේ. අවුරුදු සිරිය විඳීමට ගිය පිරිස් මෙලෙස අවාසනාවන්ත ලෙස මරණයට පත්වීම මුළු රටම කම්පාවට පත් කළ සිදුවීමක් බවට පත්ව ඇත.පළමු සිදුවීම වාර්තා වූයේ සෝමාවතිය රක්ෂිතය මැදින් ගලා බසින මහවැලි ගඟෙනි. එහි දිය නෑමට ගිය මහින්දපුර ප්රදේශයේ පදිංචි එකම පවුලේ සහෝදරයන් තිදෙනෙකු දිය පහරට හසුව ගසාගෙන ගොස් අතුරුදන්ව තිබේ. සිය පියා සහ තවත් සහෝදරයෙකු සමඟ දිය නාමින් සිටියදී ඔවුන් මෙම අනතුරට මුහුණ දී ඇති අතර, මේ වනවිටත් අතුරුදන්වූවන් සොයා සේරුනුවර පොලිසිය සහ සහන කණ්ඩායම් විශේෂ මෙහෙයුම් දියත් කරමින් පවතී.මේ අතර, හබරාදූව මුහුදු තීරයේ දිය නෑමට ගිය කටුනායක ප්රදේශයේ පදිංචි 21 සහ 26 හැවිරිදි වියේ පසුවූ තවත් සහෝදරයන් දෙදෙනෙකු දියවැලකට හසුවී මියගොස් තිබේ. විනෝද චාරිකාවක් පැමිණි අවස්ථාවේ මුහුදේ ගසාගෙන ගිය ඔවුන් දෙදෙනා ප්රදේශවාසීන් විසින් බේරාගෙන රෝහල් ගත කළද, ඒ වනවිටත් ඔවුන් අවසන් හුස්ම හෙළා තිබුණි. උත්සව සමයේ මෙවැනි අනතුරු වළක්වා ගැනීමට නම් ජලය ආශ්රිත විනෝදාංශවලදී වඩාත් සුපරීක්ෂාකාරී වීම අත්යවශ්ය බව මෙම සිදුවීම් නැවතත් අපට සිහිපත් කර දෙයි.
දියේ ගිලීම් හේතුවෙන් එකම පවුල්වල සහෝදරයන් පස්දෙනෙකු ජීවිතක්ෂයට
