දිවයිනේ පළාත් සහ දිස්ත්රික්ක කිහිපයකට ඉදිරි කාලයේදී වැසි හෝ ගිගුරුම් සහිත වැසි ඇතිවිය හැකි බව කාලගුණ විද්යා දෙපාර්තමේන්තුව පවසයි. ඒ අනුව බස්නාහිර, සබරගමුව, වයඹ පළාත් ඇතුළුව මහනුවර, නුවරඑළිය, ගාල්ල සහ මාතර යන දිස්ත්රික්කවලට වැසි වාර කිහිපයක් බලාපොරොත්තු විය හැක. මීට අමතරව, ඌව සහ නැගෙනහිර පළාත්වල මෙන්ම මුලතිව් දිස්ත්රික්කයේ ද පස්වරු 2.00 න් පසුව ස්ථානීය වශයෙන් වැසි හෝ ගිගුරුම් සහිත වැසි වර්ධනය වීමේ හැකියාවක් පවතී.කලාප කිහිපයකට වැසි තත්ත්වයන් වාර්තා වන අතරතුර, දිවයිනේ ප්රදේශ කිහිපයක සුළඟේ වේගය ඉහළ යා හැකි බව ද එම දෙපාර්තමේන්තුව පෙන්වා දෙයි. විශේෂයෙන්ම මධ්යම කඳුකරයේ බටහිර බෑවුම් ප්රදේශ, උතුරු-මැද සහ දකුණු පළාත් මෙන්ම ත්රිකුණාමලය දිස්ත්රික්කය දෙසින් විටින් විට පැයට කිලෝමීටර 30 ත් 40 ත් අතර වේගයකින් හමන තරමක තද සුළං ඇතිවීමේ ප්රවණතාවක් පවතී.මේ හේතුවෙන්, ගිගුරුම් සහිත වැසි ඇති වන අවස්ථාවලදී එම ප්රදේශවල තාවකාලිකව තද සුළං සහ දරුණු අකුණු අනතුරු ඇති විය හැකි බැවින්, ඉන් සිදුවන හානි අවම කර ගැනීමට අවශ්ය පූර්ව ආරක්ෂිත පියවර ගන්නා ලෙස කාලගුණ විද්යා දෙපාර්තමේන්තුව මහජනතාවගෙන් ඉල්ලා සිටී.
දිස්ත්රික්ක කිහිපයකට වැසි සහ තද සුළං
