වත්මනෙහි සමස්ත ජනතාව මුහුණ දී සිටින දැඩි ආර්ථික සහ සමාජයීය අර්බුදයන්, දේශපාලන නායකයන්ගේ අතීත ක්රියාකලාපයන් නිසි ලෙස තක්සේරු නොකර හැඟීම්බරව ගනු ලැබූ වැරදි තීරණවල ප්රතිඵලයක් බව සමගි වෘත්තීය සමිති සන්ධානයේ කැඳවුම්කරු ආනන්ද පාලිත මහතා පවසයි. ඕනෑම වගකිවයුතු ක්ෂේත්රයක පුද්ගලයන් තෝරාගැනීමේදී ඔවුන්ගේ අතීත විශ්වාසවන්තභාවය සහ ඉතිහාසය සොයා බැලුවද, දේශපාලන නායකයන් තේරීමේදී මෙරට බහුතරයක් ජනතාව එය අමතක කිරීම කණගාටුදායක බව ඔහු පෙන්වා දෙයි. අතීතයේදී කෘෂිකර්මාන්තයට සහ රාජ්ය දේපළවලට හානි කළ පාර්ශවයන් කෙරෙහි නැවත විශ්වාසය තබා කටයුතු කිරීමේ ආදීනව වර්තමානයේදී රටටම විඳින්නට සිදුව ඇති බව ද ඔහු සඳහන් කරයි.විශේෂයෙන්ම 88-89 භීෂණ සමයේදී ට්රාන්ස්ෆෝමර්, ඉන්ධන බවුසර් සහ වී ගබඩා ගිනි තබමින් පොදු දේපළ විනාශ කළ, විද්වතුන් මෙන්ම රාජ්ය සේවකයන් දඩයම් කළ අතීතයක් සහිත පිරිස් වෙත රටේ පාලන බලය පැවරීම බරපතළ ගැටලුවක් බව හෙතෙම පෙන්වා දෙයි. එවැනි පසුබිමක් සහිත පාර්ශවයන් බලයට පත්වීම හේතුවෙන් අද වන විට ගුරුවරුන්ගේ, විදුලිබල හා තෙල් සේවකයන්ගේ මෙන්ම සාමාන්ය පාරිභෝගික ජනතාවගේ ද අයිතිවාසිකම් දැඩි ලෙස අර්බුදයට ලක්ව ඇතැයි ඔහු චෝදනා කරයි. ජනතාව තම මූලික අවශ්යතා පවා සපුරා ගැනීමට නොහැකිව අසරණ වී සිටින්නේ මෙම කටුක දේශපාලන යථාර්ථය නිසා බව ද ඔහු වැඩිදුරටත් කියා සිටියි.අවසාන වශයෙන් ආනන්ද පාලිත මහතා දැඩිව අවධාරණය කරන්නේ පසුගිය ජනාධිපතිවරණයේදී මෙරට ඡන්දදායකයන් විසින් තෝරාගනු ලැබුවේ රට නිසි මඟකට මෙහෙයවිය හැකි සැබෑ ප්රායෝගික පාලකයෙකු නොවන බවයි. ඒ වෙනුවට මැතිවරණ වේදිකාවල වචන හරඹයෙන් සහ පුස් ප්රකාශවලින් ජනතාව මුලා කළ හැකි ‘හොඳම කයිය නායකයා’ ජනතාව විසින් බලයට පත් කරගෙන ඇති බව ඔහු ප්රකාශ කරයි.
පසුගිය මැතිවරණයේදී ජනතාව තෝරාගත්තේ වචන හරඹ කරන්නන් බවට ආනන්ද පාලිතගෙන් චෝදනාවක්
