ඓතිහාසික මහනුවර ශ්රී දළදා මාලිගාවේ ඇසළ පෙරහර මංගල්යයේ තෙවැනි රන්දෝලි පෙරහර අද (25) රාත්රියේ අති උත්කර්ෂවත් අයුරින් වීදි සංචාරය කිරීමට නියමිතය. මෙම වසරේ අගෝස්තු මස 18 වැනි දින ආරම්භ වූ ලෝකප්රකට මහනුවර ඇසළ මංගල්යය මෙවර අගෝස්තු 28 වැනි දින දක්වා සජීවීව පැවැත්වීමට කටයුතු යොදා ඇත.අද දින රාත්රී 6.53 ට මංගල්යයේ ප්රධාන ශ්රී දළදා මාලිගය අබියසින් පිටත්වීමට නියමිත පෙරහර, දළදා වීදිය, ඊ.එල්. සේනානායක වීදිය සහ කොළඹ වීදිය ඔස්සේ ගමන් කරනු ඇත. අනතුරුව යටිනුවර වීදිය, කුමාර වීදිය, හරස් වීදිය හා ඩී.එස්. සේනානායක වීදිය පසුකරමින් රජ වීදියෙන් ඉහළට ගමන් කර නැවත මාලිගය වෙත ගෙවැදීමට නියමිතව තිබේ.පෙරහර නැරඹීම සඳහා පැමිණෙන දහස් සංඛ්යාත දෙස් විදෙස් නරඹුන්ගේ ආරක්ෂාව සහ පහසුව වෙනුවෙන් පොලිසිය විසින් විශේෂ ආරක්ෂක වැඩපිළිවෙළක් සහ ක්රමවත් රථවාහන සැලැස්මක් මේ වන විටත් ප්රදේශය පුරා ක්රියාත්මක කර ඇත.
මහනුවර ඇසළ පෙරහරේ තෙවැනි රන්දෝලි පෙරහර අද
