මීගමුව බන්ධනාගාරය තුළ අද (06) උදෑසන නැවත ඇති වූ නොසන්සුන්කාරී තත්ත්වය හේතුවෙන් ජීවිතක්ෂයට පත්වූවන්ගේ සංඛ්යාව 25 දක්වා ඉහළ ගොස් ඇති බව පොලිසිය පවසයි. මෙම දරුණු ගැටුමෙන් මියගිය පිරිස අතර බන්ධනාගාර නිලධාරීන් පස් දෙනෙකු සහ රැඳවියන් විසි දෙනෙකු වන බව වාර්තා වන අතර, තවත් පුද්ගලයන් 100කට ආසන්න පිරිසක් තුවාල ලබා තිබේ.මේ අතර බන්ධනාගාරය තුළ පවතින දැඩි උණුසුම්කාරී වාතාවරණය සමනය කර තත්ත්වය සාමාන්ය අතට පත් කිරීමේ පියවරක් ලෙස, එහි සිටින රැඳවියන් වෙනත් බන්ධනාගාර වෙත මාරු කිරීමට බලධාරීන් පියවර ගනිමින් සිටී. බන්ධනාගාර පරිශ්රයේ ආරක්ෂාව තවදුරටත් තර කර ඇති අතර, බලධාරීන් විසින් තත්ත්වය සමීපව නිරීක්ෂණය කරමින් පවතී.
මීගමුව බන්ධනාගාරයේ රැඳවියන් වෙනත් බන්ධනාගාර වෙත මාරු කෙරේ
