ශ්රී ලංකා ගමනාගමන මණ්ඩලය විසින් අලුතින් හඳුන්වා දී ඇති මෙට්රෝ බස් රථ සේවාව හේතුවෙන් මෙරට බදු ගෙවන ජනතාවට විශාල මූල්යමය පාඩුවකට මුහුණ දීමට සිදුවන බව ලංකා පෞද්ගලික බස් හිමියන්ගේ සංගමය පවසයි. එම සංගමයේ සභාපති ගැමුණු විජේරත්න මහතා මාධ්ය වෙත අදහස් දක්වමින් කියා සිටියේ පවතින ආර්ථික තත්ත්වය හමුවේ මෙවැනි බස් රථ විදේශයන්ගෙන් ආනයනය කිරීම ගැටලුසහගත බවත්, මෙම සමස්ත ක්රියාවලියම නීතිමය රාමුවෙන් බැහැරව සිදුවන්නක් බවත්ය.මෙම නව බස් රථ සඳහා සාමාන්ය බස් රථවලට වඩා අධික ඉන්ධන ප්රමාණයක් වැය වන අතර ඒවායේ නඩත්තු පිරිවැය ද ඉතා ඉහළ මට්ටමක පවතින බව විජේරත්න මහතා පෙන්වා දෙයි. මෙම ව්යාපෘතිය හරහා පෞද්ගලික වාහන භාවිත කරන පිරිස් පොදු ප්රවාහනය වෙත ආකර්ෂණය කර ගැනීමට නොහැකි වන බවත්, අවසානයේදී සිදුවන මූල්ය අලාභය පියවා ගැනීමට මහජන බදු මුදල් යෙදවීමට සිදුවනු ඇති බවත් ඔහු අවධාරණය කළේය.රජය විසින් ජනතාව නොමඟ යවන සුළු අයුරින් මෙම ව්යාපෘතිය ක්රියාවට නංවා ඇති බවට චෝදනා කරන ඒ මහතා, මෙට්රෝ බස් සේවාවේ මූල්යමය පැවැත්ම සහ මෙහෙයුම් කටයුතු පිළිබඳව මීට වඩා විනිවිදභාවයකින් යුතුව කටයුතු කිරීම අත්යවශ්ය කරුණක් බව ද වැඩිදුරටත් ප්රකාශ කර සිටියි.
මෙට්රො බස් ව්යාපෘතියෙන් පාඩුවක් වන බවට ගැමුණු විජේරත්නගෙන් චෝදනා
