ශ්රී ලංකාව සහ ඉන්දියාව අතර ගාල්ල ජාත්යන්තර ක්රිකට් ක්රීඩාංගණයේ පැවැත්වෙන පළමු ටෙස්ට් තරගයේ තෙවැනි දිනය අදට යෙදී තිබේ. තරගයේ දෙවැනි දිනය ඊයේ (16) නිමාවට පත්වන විට, කාසියේ වාසිය දිනා පළමුව පන්දුවට පහරදුන් ඉන්දීය කණ්ඩායම කඩුලු 9ක් දැවී ලකුණු 460ක් රැස් කරමින් තරගයේ පාලනය තමන් සතු කරගෙන සිටියේය.ඉන්දීය ඉනිම වෙනුවෙන් විශිෂ්ට පිතිහරඹයක නිරත වූ දේව්දත් පඩීකල් හතරේ පහර 15ක් සහ හයේ පහරක් සමඟින් ලකුණු 167ක් වාර්තා කිරීමට සමත් විය. ඔහුට අනගි සහයක් දුන් කේ. එල්. රාහුල් ලකුණු 82ක් ද, ධෲව් ජුරෙල් ලකුණු 51ක් ද රැස් කරමින් ඉන්දීය ලකුණු පුවරුව ඉහළ නැංවූහ.ශ්රී ලංකා පන්දු යැවීම අංශයෙන් ප්රභාත් ජයසූරිය ලකුණු 109කට කඩුලු 4ක් බිඳහෙළූ අතර, සිය මංගල ටෙස්ට් තරගයට ක්රීඩා කරන කේෂර නුවන්ත ලකුණු 175කට කඩුලු 3ක් දවා ගත්තේය. ඉන්දීය ඉනිමේ අවසන් කඩුල්ල ලෙස කුල්දීප් යාදව් සහ ප්රසිද් කෘෂ්ණ නොදැවී කඩුල්ලේ රැඳී සිටින අතර, අද දිනයේ ඔවුන් සිය පළමු ඉනිම යළි ආරම්භ කරනු ඇත.
ශ්රී ලංකා – ඉන්දියා පළමු ටෙස්ට් තරගයේ තුන්වන දිනය අද
