ශ්රී ලංකා-ඉන්දියානු මාධ්ය මිත්රත්ව සංගමය (SLIMFA) වාර්ෂිකව සංවිධානය කරන “SLIMFA මාධ්ය සම්මන්ත්රණය 2026” මෙවර දෙවන වරටත් කොළඹ ටාජ් සමුද්රා හෝටලයේදී ආරම්භ විය. වෛද්ය නලින්ද ජයතිස්ස මහතා ඇතුළු රාජ්ය නියෝජිතයන්, ශ්රී ලංකාවේ ඉන්දියානු මහකොමසාරිස් සන්තෝෂ් ජා මහතා සහ සංගමයේ සභාපති නිස්තාර් කැසිම් මහතා ඇතුළු දෙරටේ මාධ්ය ක්ෂේත්රයේ ප්රමුඛයෝ රැසක් මෙම සමාරම්භක අවස්ථාවට එක්වූහ.“වෙනස්වන ලෝකයක අදාළත්වය රැක ගැනීම” යන තේමාව යටතේ පැවැත්වෙන මෙම සමුළුව, දෙරටේ මාධ්ය වෘත්තිකයන් අතර සහයෝගීතාව ශක්තිමත් කිරීමටත්, අත්දැකීම් බෙදා ගැනීමටත් කදිම වේදිකාවක් සපයයි. ශ්රී ලංකාවේ සහ ඉන්දියාවේ ප්රවීණ මාධ්යවේදීන්, සංස්කාරකවරුන්, විද්වතුන් සහ මාධ්ය සිසුන් විශාල පිරිසක් සහභාගී වන මෙම වැඩසටහන තුළින් නව මාධ්ය පරිසරය පිළිබඳ පුළුල් අවබෝධයක් ලබාගැනීම ප්රධාන අරමුණයි.තාක්ෂණික දියුණුවත් සමඟ මාධ්ය ක්ෂේත්රය මුහුණ දෙන අභියෝග පිළිබඳව මෙහිදී දීර්ඝ වශයෙන් සාකච්ඡා කෙරිණි. විශේෂයෙන්ම කෘත්රිම බුද්ධිය (AI) භාවිතය, ඩිජිටල් පරිවර්තනය සහ ප්රේක්ෂක හැසිරීම්වල සිදුවන වෙනස්කම් හමුවේ මාධ්යයේ විශ්වසනීයත්වය සහ ස්වාධීනත්වය ආරක්ෂා කරගන්නා ආකාරය පිළිබඳව විද්වතුන් සිය අදහස් ඉදිරිපත් කළහ.මෙම තාක්ෂණික යුගයේදී නිවැරදි තොරතුරු තහවුරු කිරීමේ වගකීම මාධ්ය සතු බවත්, මහජන විශ්වාසය නොකැළැල්ව පවත්වා ගනිමින් නවීන ප්රවණතා සමඟ ඉදිරියට යා යුතු බවත් සමුළුවේදී අවධාරණය කෙරිණි. අනාගත මාධ්ය භාවිතය සහ ක්ෂේත්රයේ ඉදිරි දිශානතිය සම්බන්ධයෙන් ඉතා වැදගත් සංවාද රැසක් මෙම සමුළුව හරහා පෝෂණය කිරීමට අපේක්ෂා කෙරේ.
ශ්රී ලංකා-ඉන්දියා මාධ්ය සමුළුව කොළඹදී ඇරඹේ
