පාර්ලිමේන්තුවේ වැඩබලන මහ ලේකම් හංස අබේරත්න මහතා නිවේදනය කළේ, කථානායක වෛද්ය ජගත් වික්රමරත්න මහතාගේ ප්රධානත්වයෙන් රැස්වූ පාර්ලිමේන්තු කටයුතු පිළිබඳ කාරක සභාවේ තීරණය පරිදි ජුනි 23 වැනිදා සිට 26 වැනිදා දක්වා පාර්ලිමේන්තුව රැස්වන බවයි. මෙම දිනවල දිනපතා පෙ.ව. 9.30 සිට 11.30 දක්වා කාලය පාර්ලිමේන්තු ස්ථාවර නියෝග සහ වාචික පිළිතුරු අපේක්ෂා කරන ප්රශ්න වෙනුවෙන් වෙන් කර ඇත.ජුනි 23 වැනිදා බදු පනත් කෙටුම්පතක් සහ ගැසට් නිවේදන කිහිපයක් විවාදයට ගැනීමට නියමිත අතර, ප.ව. 5.00ට මන්ත්රී රවි කරුණානායක මහතා ඉදිරිපත් කරන පෞද්ගලික මන්ත්රී පනත් කෙටුම්පතක් ස්ථාවර කාරක සභාව වෙත යොමු කෙරේ. ජුනි 24 වැනිදා ජාතික පාරිසරික සංශෝධන පනත් කෙටුම්පත පිළිබඳ විවාදය පැවැත්වෙන අතර, ජුනි 25 වැනිදා මත්ද්රව්ය උවදුරට එරෙහිව සටන් කිරීම පිළිබඳ රජයේ කල් තැබීමේ යෝජනාව විවාදයට ගැනීමට තීරණය කර තිබේ.සැසිවාරයේ අවසන් දිනය වන ජුනි 26 වැනිදා ශ්රී ලංකා විදුලිබල පනතට අදාළ නියමය අනුමත කිරීම සඳහා විවාද කෙරේ. ඉන් අනතුරුව, මත්ද්රව්ය උවදුර මැඩලීම පිළිබඳව පෙර දින ආරම්භ කරන ලද කල් තැබීමේ යෝජනාව සම්බන්ධයෙන් ප.ව. 2.00 සිට ප.ව. 5.30 දක්වා වැඩිදුර විවාදය පැවැත්වීමට නියමිත බව පාර්ලිමේන්තු ආරංචි මාර්ග සඳහන් කරයි.
2026 ජුනි 23 සිට 26 දක්වා පාර්ලිමේන්තුව රැස්වෙයි
