2026 වසරේ අගෝස්තු 10 වැනි දින ආරම්භ වීමට නියමිත අ.පො.ස. උසස් පෙළ විභාගය කල් දැමීමට කිසිදු තීරණයක් ගෙන නොමැති බව අධ්යාපන, උසස් අධ්යාපන හා වෘත්තීය අධ්යාපන අමාත්යාංශය නිවේදනය කරයි. විභාගය කල් දමන ලෙස විවිධ පාර්ශ්වයන්ගෙන් ඉල්ලීම් ලැබී තිබුණද, සිසුන්ට විභාගයට මුහුණ දීම සඳහා ප්රමාණවත් කාලයක් පවතින බව සලකා බලා අමාත්යාංශය මෙම අවසන් තීරණයට එළඹ ඇත.ජාතික අධ්යාපන ආයතනයේ මාර්ගෝපදේශ අනුව විෂය නිර්දේශය සම්පූර්ණ කිරීම සඳහා අවශ්ය වන්නේ දින 300ක කාලයක් පමණි. කෙසේ වෙතත්, 2026 වසරේ ඉගැන්වීම් ආරම්භයේ සිට විභාග දිනය දක්වා දින 343ක කාලයක් පාසල් පැවැත්වෙන බව අමාත්යාංශය පෙන්වා දෙයි. එමෙන්ම, විභාගයට නැවත පෙනී සිටින සිසුන් සඳහා ද පසුගිය ප්රතිඵල නිකුත් වූ දිනයේ සිට මාස හතරකට වැඩි කාලයක් ලැබී ඇති බැවින්, විභාගයට සූදානම් වීමට ප්රමාණවත් කාලයක් පවතින බව ඔවුන් වැඩිදුරටත් සඳහන් කරයි.නියමිත කාලසටහනට අනුව විභාගය පැවැත්වීම මගින් සමස්ත අධ්යාපන ක්රියාවලියෙහි කාලරාමුව සුරක්ෂිත කර ගැනීමට හැකි වනු ඇති බව අමාත්යාංශයේ විශ්වාසයයි. එබැවින් විභාග කාලසටහනේ කිසිදු සංශෝධනයක් සිදු නොවන බව අවධාරණය කරන අමාත්යාංශය, සිසුන් තම විභාග කටයුතු කෙරෙහි වැඩි අවධානයක් යොමු කරමින් අධ්යාපන කටයුතු සාර්ථක කර ගන්නා ලෙස දිරිගන්වයි.
2026 උසස් පෙළ විභාගය කල් දැමීමක් සිදු නොකරයි
