ජාතික වශයෙන් අතිශය වැදගත් වන 22 වැනි ආණ්ඩුක්රම ව්යවස්ථා සංශෝධන පනත් කෙටුම්පත සම්බන්ධයෙන් පාර්ලිමේන්තු මන්ත්රීවරුන් දැනුවත් කිරීමට ශ්රී ලංකා නීතිඥ සංගමය සූදානම්ව සිටියේය.කෙසේ වෙතත්, එම සංගමය විසින් විපක්ෂ නායක සජිත් ප්රේමදාස මහතා වෙත නිල ලිපියක් යොමු කරමින් දන්වා ඇත්තේ, පක්ෂ සහ විපක්ෂ දෙපාර්ශ්වයේම මන්ත්රීවරුන්ගේ සහභාගීත්වය තහවුරු කළ හැකි සුදුසු අවස්ථාවක් එළැඹෙන තෙක් මෙම වැඩසටහන තාවකාලිකව කල්දමන ලෙසයි.මෙම ව්යවස්ථා සංශෝධනය පිළිබඳව මන්ත්රීවරුන් දැනුවත් කිරීම ඉතා කාලෝචිත හා අත්යවශ්ය කාරණයක් බව නීතිඥ සංගමය පිළිගන්නා අතර, ඒ හරහා පක්ෂ භේදයකින් තොරව පුළුල් එකඟතාවකට පැමිණීමට අවස්ථාව සැලසෙනු ඇතැයි ඔවුන් අපේක්ෂා කළේය.එහෙත්, පාර්ලිමේන්තුවේ පවතින වත්මන් දේශපාලන වාතාවරණය සහ ආණ්ඩුවේ ස්ථාවරය අනුව, පාලක පාර්ශ්වය තුළ මෙවැනි අවස්ථාවකට සහභාගී වීමට කිසිදු උනන්දුවක් හෝ එකඟතාවක් නොමැති බව පෙනී යන බව නීතිඥ සංගමය වැඩිදුරටත් පෙන්වා දී තිබේ.මෙවැනි ජාතික වැදගත්කමක් ඇති නීතිමය සංශෝධන හමුවේ මතුව ඇති දේශපාලන මතභේද සහ ස්වාධීන වෘත්තීය සමිතිවල මැදිහත්වීම් ඉදිරි දේශපාලන තීන්දු තීරණ කෙරෙහි බලපාන ආකාරය දැන් දැඩි අවධානයට ලක්ව ඇත.
22 වැනි ව්යවස්ථා සංශෝධන දැනුවත් කිරීමේ වැඩසටහන කල්දමන ලෙස නීතිඥ සංගමයෙන් ඉල්ලීමක්
