අගෝස්තු මාසයේදී මෙරට උද්ධමනය 8.1% දක්වා ඉහළ යයි

ජනලේඛන සහ සංඛ්‍යාලේඛන දෙපාර්තමේන්තුව විසින් නිකුත් කරන ලද නවතම දත්තවලට අනුව, ශ්‍රී ලංකාවේ සමස්ත උද්ධමන අනුපාතය අගෝස්තු මාසයේදී 8.1%ක් දක්වා ඉහළ ගොස් තිබේ. මීට පෙර ජූලි මාසයේදී මෙම අගය සටහන් වී තිබුණේ 7.2%ක් ලෙසය. මෙම වර්ධනයට ප්‍රධාන වශයෙන්ම ආහාර උද්ධමනය ඉහළ යාම සෘජුවම බලපා ඇත.​ජාතික පාරිභෝගික මිල දර්ශකය (NCPI) පදනම් කරගනිමින් මනිනු ලබන වාර්ෂික ආහාර උද්ධමනය අගෝස්තු මාසයේදී 6.6% දක්වා වැඩි වී ඇති අතර, එය ජූලි මාසයේදී පැවතියේ 4.9%ක මට්ටමකිනි. කෙසේ වෙතත්, ආහාර නොවන කාණ්ඩයේ උද්ධමනය ද ජූලි මාසයේ 9.2% සිට අගෝස්තු මාසයේදී 9.3% දක්වා මඳ වශයෙන් ඉහළ ගොස් ඇත.