ශ්රී ලංකා සංචාරක සංවර්ධන අධිකාරිය නිකුත් කළ නවතම දත්ත වාර්තාවන්ට අනුව, අගෝස්තු මාසයේ පළමු දින 6 ඇතුළත මෙරටට පැමිණ ඇති විදෙස් සංචාරකයින්ගේ මුළු සංඛ්යාව 42,810 ක් ලෙස සටහන් වී තිබේ.එම කාලසීමාව තුළ වැඩිම සංචාරකයින් පිරිසක් පැමිණ ඇත්තේ ඉන්දියාවෙනි. ඒ, සමස්ත පැමිණීමෙන් 18% ක ප්රතිශතයක් නියෝජනය කරමින් සංචාරකයින් 7,827 දෙනෙකු වශයෙනි. මීට අමතරව, එක්සත් රාජධානියෙන් 4,922 ක්, ප්රංශයෙන් 3,908 ක් සහ චීනයෙන් 3,031 ක් වශයෙන් ද සංචාරකයින් දිවයිනට පැමිණ ඇත.මේ වසරේ ජනවාරි 01 වැනි දින සිට අගෝස්තු 06 වැනි දින දක්වා කාලය තුළ වාර්තා වී ඇති සමස්ත සංචාරක පැමිණීම් එකතුව 1,386,228 කි. ඒ අතරින් ඉන්දියානු සංචාරකයින් 346,057 ක්, එක්සත් රාජධානි සංචාරකයින් 135,323 ක් සහ චීන සංචාරකයින් 91,538 ක් ලෙස ප්රධාන ප්රභවයන්ගෙන් වැඩිම පිරිසක් පැමිණ ඇති බව එම අධිකාරිය වැඩිදුරටත් පෙන්වා දෙයි.
අගෝස්තු මුල් දිනවල මෙරටට පැමිණි සංචාරක සංඛ්යාව 42,000 ඉක්මවයි
