දිවයිනේ බොහෝ ප්රදේශවලට අද පස්වරු 1.00 න් පසුව ගිගුරුම් සහිත වැසි වර්ධනය විය හැකි බව කාලගුණ විද්යා දෙපාර්තමේන්තුව නිවේදනය කරයි. විශේෂයෙන්ම බස්නාහිර, සබරගමුව, මධ්යම සහ වයඹ යන පළාත්වලට මෙන්ම ගාල්ල, මාතර සහ අනුරාධපුරය යන දිස්ත්රික්කවලට මි.මී. 100 ඉක්මවූ ඉතා තද වර්ෂාපතනයක් අපේක්ෂා කෙරේ. වැසි සහිත කාලගුණයට අමතරව, මධ්යම, සබරගමුව, ඌව සහ උතුරු මැද පළාත්වල ඇතැම් ප්රදේශවල අලුයම් කාලයේදී මීදුම් සහිත තත්ත්වයක් ද දැකගත හැකිය.වර්ෂාව සමඟ ප්රබල අකුණු අනතුරු සහ තාවකාලික තද සුළං ඇතිවීමේ වැඩි සම්භාවිතාවක් පවතින බැවින් ඒ පිළිබඳව සැලකිලිමත් වීම අත්යවශ්ය වේ. එළිමහන් ස්ථානවල රැඳී සිටීමෙන් වැළකී සිටින ලෙසත්, අකුණු මඟින් සිදුවන අනතුරු අවම කර ගැනීමට අවශ්ය පූර්ව ආරක්ෂිත පියවර අනුගමනය කරන ලෙසත් කාලගුණ බලධාරීන් මහජනතාවගෙන් කාරුණිකව ඉල්ලා සිටියි.හදිසි ආපදා තත්ත්වයන් මඟහරවා ගැනීමට නිසි අවධානය යොමු කිරීමෙන් හා කාලගුණ අනාවැකි පිළිබඳව නිරන්තරයෙන් විමසිලිමත් වීමෙන් අනවශ්ය අනතුරු වළක්වා ගත හැකිය. ගිගුරුම් සහිත වැසි පවතින අවස්ථාවලදී විදුලි උපකරණ භාවිතයෙන් වැළකී සිටීම සහ ගස් යට රැඳී නොසිටීම වැනි ක්රියාමාර්ග කෙරෙහි විශේෂ සැලකිල්ලක් දක්වන ලෙස දැනුම් දී ඇත.
අද පස්වරුවේ දිවයිනට තද වැසි
