අද පස්වරු 1.00 න් පසුව දිවයිනේ නිරිතදිග සහ මධ්යම කඳුකර ප්රදේශවලට වැසි සහිත කාලගුණයක් අපේක්ෂා කළ හැකි බව කාලගුණ විද්යා දෙපාර්තමේන්තුව නිවේදනය කරයි. විශේෂයෙන් බස්නාහිර, සබරගමුව, දකුණ සහ ඌව පළාත්වලටත්, මහනුවර සහ නුවරඑළිය දිස්ත්රික්කවලටත් ගිගුරුම් සහිත වැසි ඇතිවීමේ වැඩි සම්භාවිතාවක් පවතී. කෙසේ වෙතත්, දිවයිනේ සෙසු ප්රදේශවල බොහෝ දුරට වියළි කාලගුණයක් පවතිනු ඇතැයි අනුමාන කෙරේ.මීට අමතරව, දිවයිනේ ප්රදේශ කිහිපයක අලුයම් කාලයේදී මීදුම් සහිත තත්ත්වයක් දක්නට ලැබෙනු ඇත. මධ්යම, සබරගමුව, උතුරු මැද සහ ඌව පළාත් මෙන්ම ගාල්ල, මාතර සහ කුරුණෑගල දිස්ත්රික්කවල ඇතැම් ස්ථානවල මෙලෙස දැඩි මීදුමක් පැවතිය හැකි බැවින් රියදුරන් ඒ පිළිබඳව අවධානයෙන් සිටීම වැදගත් වේ.වැසි ඇති වන අවස්ථාවලදී තාවකාලිකව තද සුළං සහ අකුණු අනතුරු ඇතිවීමේ අවදානමක් පවතින බැවින්, එමගින් සිදුවන හානි අවම කර ගැනීමට පියවර ගන්නා ලෙස මහජනතාවට උපදෙස් දෙනු ලැබේ. විශේෂයෙන් විවෘත ස්ථානවල රැඳී සිටීමෙන් වැළකී ආරක්ෂිත පියවර අනුගමනය කිරීම මේ මොහොතේ අත්යවශ්ය වේ.
අද පස්වරුවේ දිස්ත්රික්ක රැසකට ගිගුරුම් සහිත වැසි
