ජෙනරාල් සර් ජෝන් කොතලාවල ආරක්ෂක විශ්වවිද්යාලයේ (KDU) නව උපකුලපතිවරයා ලෙස එයාර් වයිස් මාර්ෂල් ඉන්දික වික්රමසිංහ මහතා සිය ධුරයේ වැඩ භාරගෙන තිබේ. සිය සේවා කාලය අවසන් කරමින් ධුරයෙන් ඉවත් වූ රියර් අද්මිරාල් දම්මික කුමාර මහතාගෙන් පසු හෙතෙම මෙම තනතුරට පත්ව ඇත. රත්මලාන පිහිටි කොතලාවල ආරක්ෂක විශ්වවිද්යාල පරිශ්රයේදී, ජ්යෙෂ්ඨ අධ්යයන, පරිපාලන සහ ත්රිවිධ හමුදා නිලධාරීන්ගේ සහභාගීත්වයෙන් මෙම ධුරයේ නිල වැඩ භාරගැනීමේ උත්සවය පවත්වා තිබේ. ආරක්ෂක අමාත්යාංශය නිකුත් කළ නිවේදනයකට අනුව, ආරක්ෂක අධ්යයනයන්, උපායමාර්ගික අධ්යයනයන් සහ ගගනගාමී ඉංජිනේරු විද්යාව පිළිබඳ පුළුල් අත්දැකීම් සම්භාරයක් සහිත අයෙකු ලෙස එයාර් වයිස් මාර්ෂල් වික්රමසිංහ මහතා මෙම තනතුරට පත්ව ඇත.
එයාර් වයිස් මාර්ෂල් ඉන්දික වික්රමසිංහ කොතලාවල ආරක්ෂක විශ්වවිද්යාලයේ නව උපකුලපති ලෙස වැඩ භාරගනී
