කොළඹ මහාධිකරණයේ විභාග වන ක්රිෂ් ගණුදෙනුවට අදාළ නඩුව, ලබන නොවැම්බර් මස 16 වැනිදා කැඳවීමට අද (07) දින නියෝග කර තිබේ. පාර්ලිමේන්තු මන්ත්රී නාමල් රාජපක්ෂ මහතාට එරෙහිව ගොනු කර ඇති මෙම නඩුව, අද දිනයේදී කොළඹ මහාධිකරණ විනිසුරුවරිය හමුවේ කැඳවන ලදී.මෙහිදී නඩුවට අදාළ සාක්ෂි විභාගය සම්බන්ධයෙන් විශේෂ අවධානයක් යොමු විය. ඒ අනුව, සිද්ධියට අදාළ ඉන්දීය ජාතික සාක්ෂිකරුවන් දෙදෙනෙකුට විදේශීය සාක්ෂිකරුවන් සඳහා වන නීතිමය ක්රමවේදයට අනුව සිතාසි නිකුත් කිරීමට විනිසුරුවරිය නියෝග කර ඇත.අදාළ සිතාසි නිකුත් කිරීමේ ක්රියාපටිපාටියෙන් අනතුරුව, නඩුව නැවත කැඳවන දිනය ලෙස නොවැම්බර් 16 වැනිදා නම් කෙරිණි. එදින නඩු විභාගය සඳහා අවශ්ය පියවර ගන්නා ලෙසට අධිකරණය විසින් නියම කරන ලදී.
ක්රිෂ් ගණුදෙනු නඩුව නොවැම්බර් 16 කැඳවීමට නියෝග
