2026 කාන්තා විස්සයි විස්ස ලෝක කුසලාන ක්රිකට් තරගාවලියේ පළමු අවසන් පූර්ව තරගය අද (ජූනි 30) ලන්ඩන්හි ‘ද කියා ඕවල්’ ක්රීඩාංගණයේදී පැවැත්වේ. ශ්රී ලංකා වේලාවෙන් රාත්රී 07.30ට ආරම්භ වන මෙම තරගයේදී ඔස්ට්රේලියානු කණ්ඩායම සහ බටහිර ඉන්දීය කොදෙව් කණ්ඩායම එකිනෙකා හමුවනු ඇත. තරගාවලිය පුරා අපරාජිතව පැමිණි ප්රබල ඔස්ට්රේලියානු කණ්ඩායම මෙවරත් කුසලානය දිනාගැනීමේ ප්රධානතම අපේක්ෂාව ලෙස සැලකෙන අතර, 2016 ශූරියන් වන බටහිර ඉන්දීය කොදෙව් කණ්ඩායම සිය සටන්කාමී දක්ෂතා තුළින් අවසන් පූර්ව වටයට පිවිසියේය.මෙම තරගාවලියේ දෙවන අවසන් පූර්ව තරගය එංගලන්තය සහ දකුණු අප්රිකාව අතර ජූලි මස 02 වනදා රාත්රී 11:00ට (ශ්රී ලංකා වේලාවෙන්) එම ක්රීඩාංගණයේදීම පැවැත්වීමට නියමිතය. මෙම අර්ධ අවසන් පූර්ව වටයේ තරග දෙක ජය ගන්නා කණ්ඩායම් දෙක අවසන් මහා තරගය සඳහා සුදුසුකම් ලබනු ඇත.තරගාවලියේ උච්චතම අවස්ථාව වන අවසන් මහා තරගය ජූලි මස 05 වනදා ලන්ඩන්හි ඓතිහාසික ලෝඩ්ස් ක්රීඩාංගණයේදී පැවැත්වේ. ලොව දක්ෂතම කණ්ඩායම් හතරක් තරග වදින මෙම අවසන් පූර්ව වටය, කාන්තා ක්රිකට් ලෝලීන්ගේ දැඩි අවධානයට ලක්ව ඇති අතර, ලෝක කුසලානය කාගේ සන්තක වේද යන්න තීරණය කෙරෙන තීරණාත්මක තරග කිහිපයක් ඉදිරි දින කිහිපය තුළ පැවැත්වීමට නියමිතය.
කාන්තා විස්සයි විස්ස ලෝක කුසලාන අවසන් පූර්ව තරග අදින් ඇරඹේ
