රුසියාවේ පැවැත්වුණු 17 වන ජාත්යන්තර ආර්ථික සංසදය සඳහා ශ්රී ලංකාව නියෝජනය කරමින් පාර්ලිමේන්තුවේ සභානායක, අමාත්ය බිමල් රත්නායක මහතා සහභාගී විය. මෙවර සමුළුව ප්රධාන වශයෙන්ම සංවිධානය කර තිබුණේ “විදේශ වෙළඳාම සංවර්ධනය කිරීමේ දී ජාත්යන්තර මාර්ගවල භූමිකාව” යන කාලෝචිත තේමාව මුල් කරගනිමිනි.ගෝලීය වෙළඳ නාවික කටයුතු ශක්තිමත් කිරීම මෙන්ම සමස්ත කලාපයේම ආර්ථික ස්ථායීතාව පවත්වාගෙන යාම සඳහා ජාත්යන්තර ප්රවාහන සම්බන්ධතාවල ඇති වැදගත්කම පිළිබඳව මෙහිදී පුළුල් ලෙස සාකච්ඡාවට බඳුන් විය. එහිදී අදහස් දැක්වූ අමාත්යවරයා පෙන්වා දුන්නේ ලෝක ආර්ථික සංවර්ධනය වේගවත් කිරීම උදෙසා වඩාත් පුළුල් හා විධිමත් වෙළඳ මාර්ග නිර්මාණය කිරීම අත්යවශ්ය බවයි.විශේෂයෙන්ම මෙවැනි ශක්තිමත් ජාත්යන්තර ප්රවාහන ජාලයන් ඔස්සේ ශ්රී ලංකාව වැනි සංවර්ධනය වෙමින් පවතින රටවලට නව ආර්ථික අවස්ථා රැසක් උදාකරගත හැකි ආකාරය පිළිබඳව ද අමාත්ය බිමල් රත්නායක මහතා මෙම ජාත්යන්තර සමුළුවේදී විශේෂ අවධානයක් යොමු කළේය.
ගෝලීය ආර්ථික සමුළුවට ශ්රී ලංකාවෙන් ඇමති බිමල් රත්නායක එක්වෙයි
