ජාතික සමාජ සංවර්ධන ආයතනය (NISD) කැලණිය විශ්වවිද්‍යාලයට අනුබද්ධ කිරීම කඩිනම් කෙරේ

ජාතික සමාජ සංවර්ධන ආයතනය (NISD) කැලණිය විශ්වවිද්‍යාලයට අනුබද්ධ කිරීමේ ක්‍රියාවලිය කඩිනම් කිරීමට අධ්‍යාපන අමාත්‍යාංශය, විශ්වවිද්‍යාල ප්‍රතිපාදන කොමිෂන් සභාව (UGC) සහ කැලණිය විශ්වවිද්‍යාලය ඒකාබද්ධව පියවර ගනිමින් සිටී. රාජ්‍ය ආයතනයක් වන මෙය 1978 අංක 16 දරන විශ්වවිද්‍යාල පනතේ ප්‍රතිපාදන යටතේ නීත්‍යානුකූලව අනුබද්ධ කෙරෙන බව අග්‍රාමාත්‍ය ආචාර්ය හරිනි අමරසූරිය පාර්ලිමේන්තුවේදී පැහැදිලි කළාය.​2025 මාර්තු කැබිනට් තීරණයට සහ 2026 සැප්තැම්බර් UGC රැස්වීමට අනුව සිදු කළ ශක්‍යතා අධ්‍යයනයේදී, දැනට එම ආයතනයේ සේවය කරන කාර්ය මණ්ඩලය විශ්වවිද්‍යාල පද්ධතියට අන්තර්ග්‍රහණය කර ගැනීමේ විකල්ප ක්‍රමවේද පිළිබඳවද විශේෂ අවධානය යොමු කර තිබේ.​කැලණිය විශ්වවිද්‍යාලයේ සනාථන සභාව සහ අදාළ පීඨ සමඟ පවත්වන සාකච්ඡාවලින් අනතුරුව ලැබෙන තීරණ UGC වෙත දැනුම් දීමෙන් පසු ඉදිරි නීතිමය හා පරිපාලන කටයුතු ක්‍රියාත්මක කිරීමට නියමිත අතර, මින් සමාජ වැඩ සහ සංවර්ධන අධ්‍යයන ක්ෂේත්‍රයේ ගුණාත්මකභාවය තවදුරටත් ඉහළ යනු ඇතැයි අපේක්ෂා කෙරේ.

What's your reaction?

Related Posts

1 of 1,430

Leave A Reply

Your email address will not be published. Required fields are marked *