බස්නාහිර, සබරගමුව, වයඹ යන පළාත්වලත් ගාල්ල, මාතර, මහනුවර සහ නුවරඑළිය දිස්ත්රික්කවලත් අද දින වැසි වාර කිහිපයක් බලාපොරොත්තු විය හැකියි. මීට අමතරව, ඌව සහ නැගෙනහිර පළාත්වල ස්ථාන කිහිපයක පස්වරු 2.00න් පසුව වැසි හෝ ගිගුරුම් සහිත වැසි ඇති විය හැකි බව කාලගුණ විද්යා දෙපාර්තමේන්තුව නිවේදනය කරනවා.දිවයිනේ ඇතැම් ප්රදේශවල සුළඟේ වේගය තරමක් ඉහළ යා හැකියි. විශේෂයෙන්ම උතුරු, උතුරු-මැද, වයඹ සහ දකුණු පළාත්වලත්, ත්රිකුණාමලය දිස්ත්රික්කයේත් මධ්යම කඳුකරයේ බටහිර බෑවුම් ප්රදේශවලත් විටින් විට පැයට කිලෝමීටර් 30-40ත් අතර තරමක තද සුළං ඇති විය හැකි බවයි එම නිවේදනයේ වැඩිදුරටත් දැක්වෙන්නේ.ගිගුරුම් සහිත වැසි පවතින කාලවලදී අකුණු මඟින් සහ තාවකාලික තද සුළං හේතුවෙන් සිදුවිය හැකි අනතුරු අවම කර ගැනීමට පියවර ගන්නා ලෙස කාලගුණ විද්යා දෙපාර්තමේන්තුව මහජනතාවගෙන් කාරුණිකව ඉල්ලා සිටිනවා.
දිවයිනේ ප්රදේශ කිහිපයකට වැසි සහ තද සුළං
