ජීවන වියදම ඉහළ යාම හමුවේ ජනතාව පත්ව ඇති පීඩනය අවම කිරීම සඳහා මැතිවරණ සමයේදී දුන් පොරොන්දු වහාම ඉටු කරන ලෙස සමගි ජන බලවේගය රජයෙන් ඉල්ලා සිටියි. පාර්ලිමේන්තුවේ තුනෙන් දෙකක අතිමහත් බහුතර බලයක් ඇතුළු පූර්ණ රාජ්ය බලය හිමිව තිබියදීත් ජනතාවට සහන සැලසීමට වත්මන් පාලනය අපොහොසත් වී ඇතැයි පාර්ලිමේන්තු මන්ත්රී හර්ෂණ රාජකරුණා මහතා චෝදනා කරයි. ජාත්යන්තර මූල්ය අරමුදලේ කොන්දේසි හෝ ලෝක වෙළඳපොළ මිල ගණන් පෙන්වමින් ජනතාව හමුවේ නිදහසට කරුණු කීමට රජයට තවදුරටත් සදාචාරාත්මක අයිතියක් නොමැති බවද ඔහු පෙන්වා දෙයි.දේශපාලන වාසි තකා රට අරාජික කිරීමට හෝ ප්රචණ්ඩකාරී ක්රියාවලට තමන් කිසිසේත්ම සම්බන්ධ නොවන බව මන්ත්රීවරයා මෙහිදී අවධාරණය කළේය. අතීතයේ ජනතා විමුක්ති පෙරමුණ විපක්ෂයේ සිටියදී කටයුතු කළ ආකාරයෙන් බැහැරව, රටේ ප්රජාතන්ත්රවාදය සහ ව්යවස්ථාපිත රාමුව ආරක්ෂා කරමින් වගකීම් සහගත ලෙස කටයුතු කිරීමට තම පක්ෂය සූදානම් බව ඔහු කියා සිටියේය. විපක්ෂය ලෙස සැමවිටම ශිෂ්ටසම්පන්න දේශපාලන සංස්කෘතියක් වෙනුවෙන් පෙනී සිටින බවද ඔහු වැඩිදුරටත් සඳහන් කළේය.රටේ ප්රජාතන්ත්රවාදී පැවැත්ම වෙනුවෙන් විපක්ෂයේ උපරිම සහයෝගය ලබාදෙන අතරම, මහජනතාවට ලබාදුන් පොරොන්දු යථාර්ථයක් බවට පත් කිරීමේ පූර්ණ වගකීම දැන් පාලක පක්ෂය සතුව පවතින බව දේශපාලන විචාරකයෝ ද පෙන්වා දෙති.
දුන් පොරොන්දු ඉටු කරන්නැයි හර්ෂණ රාජකරුණාගෙන් රජයට බලපෑම්
