දුම්රිය දෙපාර්තමේන්තුවේ පවතින පාලන ගැටලු සහ මගී දුෂ්කරතා සඳහා නිසි විසඳුම් ලබා දීමට බලධාරීන් අපොහොසත් වීම නිසා ඉදිරි දිනවලදී දැවැන්ත වෘත්තීය සමිති ක්රියාමාර්ගයකට එළඹීමට සූදානම් වන බව වාර්තා වේ. දිනපතා සිදුවන දුම්රිය ප්රමාදයන් සහ ධාවන වාර අවලංගු වීම් හේතුවෙන් මේ වන විට මෙරට ප්රවාහන සේවය දැඩි අවදානම් සහගත තත්ත්වයකට පත්ව තිබේ.නව දුම්රිය සාමාන්යාධිකාරීවරයෙකු පත් කරන ලෙස බල කරමින් ක්රියාත්මක වන මෙම වෘත්තීය සමිති ක්රියාමාර්ගය සඳහා ඉතිහාසයේ පළමු වතාවට දුම්රිය මගී සංගම්වල ද සක්රීය සහයෝගය ලැබී තිබීම විශේෂත්වයකි. පාලනාධිකාරියේ මර්දනකාරී පිළිවෙත් සහ මගී ජනතාව මුහුණ දෙන අඛණ්ඩ දුෂ්කරතා මත වෘත්තීය සමිති දුසිම් ගණනක් එකම වේදිකාවකට පැමිණ සිටීම රජය හමුවේ මතුව ඇති බරපතළ අභියෝගයකි.ප්රවාහන අමාත්යාංශය සමඟ අද දිනයේ පැවැත්වෙන සාකච්ඡා අසාර්ථක වුවහොත් සැලසුම් කළ පරිදි වැඩවර්ජනය ක්රියාත්මක කිරීමට දුම්රිය සේවකයෝ බලාපොරොත්තු වෙති. මෙම අර්බුදය සඳහා කඩිනම් රාජ්ය මැදිහත්වීමක් සිදු නොවුනහොත්, එය දහස් සංඛ්යාත කාර්යාල සේවකයන්ගේ සහ පාසල් සිසුන්ගේ දෛනික ජීවිතය සම්පූර්ණයෙන්ම අකර්මණ්ය වීමට හේතු වනු ඇත.
නව දුම්රිය සාමාන්යාධිකාරීවරයෙක් පත් නොකළහොත් බ්රහස්පතින්දා වැඩවර්ජනයක්
