ශ්රී ලංකාවේ සෑම පුද්ගලයන් හතර දෙනෙකුගෙන් එක් අයෙකුම ගැස්ට්රයිටිස් රෝගයෙන් පීඩා විඳින බවත්, ලෝක ජනගහනයෙන් 30%කට වැඩි පිරිසක් අක්මාවේ තෙල් තැන්පත් වීමේ (Fatty Liver) අවදානමට ලක්ව ඇති බවත් නවතම සෞඛ්ය දත්ත හෙළි කරයි. අද (29) පැවති මාධ්ය හමුවකදී විශේෂඥ වෛද්යවරුන් පෙන්වා දුන්නේ මෙම රෝගී තත්ත්වයන් ද්විත්වයම වර්තමානයේ බරපතළ සෞඛ්ය තර්ජනයක් වී ඇති බවයි.විශේෂඥ වෛද්ය ධනුෂී අබේනායක මහත්මියට අනුව, බැක්ටීරියා ආසාදන, වැරදි ආහාර රටා සහ මානසික ආතතිය ගැස්ට්රයිටිස් සඳහා ප්රධාන හේතු වේ. පපුව දැවිල්ල සහ උදරයේ වේදනාව සාමාන්ය ලක්ෂණ වුවද, වයස අවුරුදු 45ට වැඩි අයෙකුගේ බර අඩුවීම හෝ වමනය සමඟ රුධිරය පිටවීම වැනි ලක්ෂණ පවතී නම්, එය පිළිකා තත්ත්වයක පෙරනිමිති විය හැකි බැවින් වහාම එන්ඩොස්කොපි පරීක්ෂණයකට යොමුවීම අත්යවශ්ය වේ.අක්මාවේ තෙල් තැන්පත් වීම බොහෝ විට රෝග ලක්ෂණ නොපෙන්වන ‘නිහඬ ව්යසනයක්’ ලෙස වෛද්ය පියල් රංගන හේරත් මහතා හඳුන්වා දෙයි. විශේෂයෙන් දියවැඩියාව, ස්ථූලතාව සහ අධික කොලෙස්ටරෝල් සහිත පුද්ගලයන් මෙන්ම මධ්යසාර භාවිත කරන්නන් මේ පිළිබඳ දැඩි අවධානයක් යොමු කළ යුතුය. නිසි ප්රතිකාර නොගතහොත් මෙය මාරාන්තික සිරෝසිස් (Cirrhosis) තත්ත්වය දක්වා වර්ධනය විය හැකිය.මෙම රෝගී තත්ත්වයන්ගෙන් මිදීම සඳහා දෛනිකව අවම වශයෙන් විනාඩි 30ක ව්යායාමයක නිරත වීම සහ ශරීර බර නිසි ලෙස පාලනය කර ගැනීම අත්යවශ්ය වේ. ආහාර ගැනීමේදී තෙල්, සීනි සහ මිරිස් අධික ආහාර අවම කර, කුඩා ආහාර වේල් කිහිපයක් නියමිත වේලාවට ලබා ගැනීමෙන් ආමාශයේ ඇති වන පීඩනය අවම කර ගත හැකි බව වෛද්යවරු උපදෙස් දෙති.තවද, වෛද්ය අනුමැතියකින් තොරව වේදනා නාශක භාවිත කිරීමෙන් රෝගී ලක්ෂණ යටපත් විය හැකි බැවින් රුධිර පරීක්ෂණ සහ ස්කෑන් පරීක්ෂණ මගින් මුල් අවධියේදීම රෝග හඳුනා ගැනීම වැදගත් වේ. අක්මාවේ සෞඛ්යය සුරැකීම සඳහා සීනි සහ ක්රීම් රහිත කළු කෝපි මධ්යස්ථව භාවිත කිරීම හිතකර බව ද මෙහිදී වැඩිදුරටත් අනාවරණය විය.
නිහඬව පැතිරෙන ගැස්ට්රයිටිස් සහ ෆැටි ලිවර්: වෛද්යවරුන්ගෙන් හදිසි අනතුරු ඇඟවීමක්
